139
23 shares, 139 points

Шатор на покрив е хит меѓу опремата за кампување. Тежи само 25 килограми, не одзема простор, се поставува брзо и лесно. Како и обично, цената може да биде проблем

Кој уште не помислува барем еднаш дневно во текот на работната недела да побегне далеку од гласниот, валкан и сив град? Неколку години наназад, на големите салони на опрема за кампување редовно се појавуваа шатори кои се поставуваат на покривот од автомобилот. Во меѓувреме се разви пазарната понуда, барем на поголемите пазари за опрема за кампување во Европа, а постојано се појавуваат и свежи идеи.

Gentle Tent GT Roof е таков шатор што во неколку потези се поставува врз покривот на автомобилот, ванот или теренецот. Место метални шипки, носечката структура на шаторот ја сочинуваат воздушни канали што се надувуваат. Тоа е малиот генијален трик во шаторот кој тежи само 25 килограми и склопен зафаќа простор со димензии 100 х 100 х 15 сантиметри.

Gentle Tent Шатор на покрив 4

Gentle Tent е австриска фирма, којашто е специјализирана за шатори на надувување, а GT Roof е прв таков шатор се поставува на покривот од возилото. Како основа служат обични кровни шини за багажник, коишто денес се стандардна опрема кај популарните СУВ модели. Потребни се само два попречни носачи, поставени на растојание од 80 сантиметри.

Багажникот и шаторот се поврзуваат преку алуминиумска рамка. По желба, шаторот може да виси странично од каросеријата или назад. До компактниот, но функционален простор за преноќување се стасува преку телескопски скалила. Други метални делови не постојат. Под куполата останува комотна висина од 130 сантиметри, а се спие на непробивен воздушен душек со димензии 220 х 140 сантиметри.

Има уште еден генијален трик. „Воздушната структура“ ја сочинуваат гумени црева. При продупчување, тие едноставно се извлекуваат, по можност се поправаат или заменуваат со нови.

Во обемот на испорака спаѓаат самолеплива лента во случај на продупчување, заедно со специјално лепило, сајли и клинови за прицврстување, а секако и електричен компресор. Добра надградба на пакетот би била пумпа за воздух што се приклучува на издувната цевка и го пумпа шаторот.

Gentle Tent Шатор на покрив 10

Производителот наведува дека шаторот може да се постави и на земја, па дури и да плови. Се нудат три комбинации на бои: Зелено-сива, сино-сива и беж-сива. Соодветно е пресметана и цената: 2.200 евра. Многумина кампери исто така пресметуваат добро. Производството на австриската фирма е резервирано за 8 до 9 недели однапред.


Notice: Undefined index: fag_col_layout in /home/automedi/public_html/wp-content/plugins/flickr-album-gallery/flickr-album-gallery-short-code.php on line 37

Gentle Tent шатор на покрив

Flickr Album Gallery Powered By: WP Frank

Ти се допаѓа? Сподели со пријателите!

139
23 shares, 139 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743