Пазар

Samsung очекува 20 милијарди долари профит од роботските автомобили

Технологијата за автономно возење ќе му донесе четирикратно зголемување на профитот на електро-гигантот

Samsung Electronics моментно остварува годишен профит од 5 милијарди долари во автомобилската индустрија. До 2025 година, профитот може да порасне четирипати. За тоа да се постигне, големи средства ќе се вложуваат во технологијата за автономно возење. Samsung ќе се обиде да постави стандард за оваа техника.

Корејскиот гигант Samsung Electronics смета дека е вистинско време за вложување во електричен погон, конективност и технологија за автономно возење. Овие инвестиции може да донесат четирикратно зголемување на профитот до 2025 година. Компанијата моментно заработува пет милијарди долари од продажбата во автомобилскиот сектор. Тоа е незначително во споредба со двестоте милијарди долари профит што компанијата ги остварува годишно во сите подрачја на активност, вклучувајќи меѓу другото паметни телефони, бела техника и забавна електроника.

Актуелната техника за автономно возење од ниво 3 чини околу 2.500 долари по возило

Во секое возило со автономна технологија од ниво 3 се потребни сензори, електроника и софтвер во вредност од 2.500 долари. Како што технологијата напредува, паралелно ќе расте и електричната архитектура. Но, постојат граници, еден ден ќе мора да се смени целиот систем. Според Јунг Сон, претседател и главен стратег на Samsung Electronics, тоа е исто како да се промени целата водоводна инсталација во објект. Постоечките автомобили со автономна технологија од ниво 3 обработуваат околу стотици мегабајти информации во секунда, а во следното ниво се работи за гигабајти и терабајти информации. „Кога податоците ќе се зголемат 100.000 пати, тогаш мора да се смени водоводот“, објаснува Сон.

Роботски автобуси на редовна линија во Хелсинки

Samsung неодамна стана сопственик на Harman, што ја чинеше компанијата 8 милијарди долари. Моментно се работи на развој на технологија за автономно возење со експерти од Delphi, во што се вложуваат уште 80 милијарди долари.

Samsung планира да развиен техника што ќе се користи како стандард за автономното возење

Сон предвидува дека Samsung веќе во 2021 година ќе понуди платформа за автономно возење, којашто ќе се користи како стандард во целата автоиндустрија. Производителите на автомобили и компаниите од други сектори ќе имаат можност да ја приспособуваат и усовршуваат оваа платформа. На салонот во Франкфурт есеноска, Samsung прикажа прототип за автономно возење, како усовршена верзија на техниката што се вградува во новиот Audi A8. Тоа ќе биде основа за платформата што Samsung сака да ја понуди како стандард.

Јунг Сон цени дека автомобилската индустрија во моментов се наоѓа во иста ситуација како ИТ-секторот пред дваесет години, кога се случи комплетна трансформација.

Дотогаш сите компании нудеа сопствени решенија, додека денес се нудат стандардизирани услуги преку „облак“, кои можат да ги користат сите без потреба да се грижат околу компатибилноста.

Tags

Напишете коментар

Вашата адреса за е-пошта нема да биде објавена. Задолжителните полиња се означени со *

Close

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730