135
98 shares, 135 points

На салонот во Њујорк нема визии или ветувања за иднината, тука се изложува само тоа што по завршувањето на салонот ќе се пресели во салоните на автомобилските марки и на крајот ќе се вози по американските улици. Во тој поглед, собирот на браншата во Менхетен е чиста спротивност со женевскиот салон, кадешто половината од изложените автомобили завршуваат во гаражите на колеционерите или во подрумите кадешто производителите ги чуваат концептните автомобили.

Веста дека Mercedes и BMW уште отсега го откажале своето присуство на салонот во Детроит в година, не морало да се зема толку сериозно. Вниманието на браншата се префрлува на салонот во Њујорк. Таму в година ќе се случува уште поспектакуларно шоу од годинашново.

На Менхетен секогаш имало по некој автомобилски новитет, но салонот остануваше во сенка на собирите на браншата во Детроит, Чикаго или Лос Анџелес. Тоа беше неправедно, затоа што во Њујорк се продаваа повеќе автомобили отколку на кое било друго автошоу во земјата. Не обични, туку скапи автомобили што го полираат имиџот на марките.

Луксузните автомобили учествуваат со 22,7 проценти во продажбата во поширокиот регион на Њујорк, што е речиси двојно повеќе отколку на целата територија на САД

Присуството на американските луксузни марки, како Lincoln, Cadillac, Acura или Genesis, покажува дека шоуто во Њујорк е добро место за ловење клиенти. Секако дека и европските премиум марки не отсуствуваат. Mercedes, Audi, Maserati, Jaguar, сите имаат важен новитет и убедлив штанд за покажување пред публиката.

Во галеријата со фотографии ќе ги најдете најважните новитети од салонот во Њујорк.

 

[tie_slideshow]
[tie_slide]
LIncoln Aviator 1

По повеќе од една деценија се враќа Lincoln Aviator. Големиот теренец уште се води како концептен автомобил, но веќе во следната година ќе се појави во продажните салони. Премиум марката на Ford го позиционира седумседот Aviator меѓу Nautilus и Navigator.
[/tie_slide]

[tie_slide]
LIncoln Aviator-2

Производителот ветува и верзија со плагин-хибрид, што би било премиера во Lincoln. Во погонската спрега на хибридот веројатно ќе работи познатиот трилитарски V6 турбо со 400 КС.
[/tie_slide]

[tie_slide]
LIncoln Aviator-7

Внатре владее луксузна атмосфера, со возачко седиште со местење во 30 насоки и ниво на опрема што се води под Black Label. Мобилниот телефон го заменува клучот, локална мрежа е достапна во кабината. Aviator нема да се продава во Европа.
[/tie_slide]

[tie_slide]
Cadillac XT4 1

XT4 е најновиот СУВ-модел во понудата на Cadillac и изгледа како смалена варијанта на XT5. Под хаубата е дволитарски бензинец со 241 КС и 350 њутнметри.
[/tie_slide]

[tie_slide]
cadillac xt4 2

Моделот ќе се појави во салоните во САД наесен, по цена за основниот модел што ќе биде пониска од 30.000 евра.
[/tie_slide]

[tie_slide]
FordFusion 1

Ford Fusion веќе го доживува второто моделско освежување, но нејасно е дали промените ќе се случат и кај европскиот близнак Mondeo. Најмногу новитети има во системите за асистенција што стануваат дел од сериската опрема.
[/tie_slide]

[tie_slide]
ford fusion 2

Верзијата со плагин-хибриден погон отсега ќе вози до 40 километри на батерии. Промените во изгледот на предниот и задниот дел речиси не се забележуваат.
[/tie_slide]

[tie_slide]
GMC Sierra AT4

GMC Sierra е подготвен и за теренско возење. Во верзијата AT4, големиот пикап е подигнат за уште 5 сантиметри од подлогата, поседува редуктор, гуми со груб профил, блокада на задниот диференцијал и заштитни плочи на подот. „Основен“ мотор е 5,3-литарски V8, посилната верзија ја црпи силата од 6,2 литри зафатнина, третата опција е трилитарски дизел.
[/tie_slide]

[tie_slide]
Cadillac CT6 VSport-17

Новитет кај Cadillac е спортската верзија V-Sport на неодамна освежениот CT6. Погонот е 4,2 литарски битурбо V8 со моќност од 557 КС. Вртежниот момент од 850 њутнметри се пренесува до сите тркала преку нов автоматски менувач со десет степени.
[/tie_slide]

[tie_slide]
Cadillac CT6 VSport-5

За брзата лимузина да им се приближи на M5 и Е63, подвозјето е дотерано поагресивно, а има и блокада на задниот диференцијал.
[/tie_slide]

[tie_slide]
honda insight 1

Honda го претстави новиот Insight. Лимузината со хибриден погон ја користи платформата од актуелниот Civic, со неколку модификации во насока на подобрување на звучната изолација и возниот комфор. Хаубата е од алуминиум.
[/tie_slide]

[tie_slide]
honda insight 2

Погонот комбинира 1,5-литарски бензинец со еткинсонов режим на работа и електромотор, кои даваат системски 155 КС и вртежен момент од 268 њутнметри. Комплетното производство е во САД, третата генерација на Insight веројатно нема да се продава на европскиот пазар.
[/tie_slide]

[tie_slide]
Nissan Altima-1

Nissan Altima влегува во шестата генерација. Лимузината се повикува на класичните вредности што ги ценат американските возачи, меѓу другото и на богата опрема. Од следната година, Altima ќе може да вози и делумно автономно со помош на системот ProPilot.
[/tie_slide]

[tie_slide]
Nissan Altima-3

Понудата од погонски единици почнува со 2,5-литарски четирицилиндарец со 191 КС. Како замена за шестцилиндарецот пристига дволитарски турбо со 251 КС. Овој мотор не е „кој било“, туку е токму моторот со променлива компресија што Јапонците први го пуштија во сериско производство.
[/tie_slide]

[tie_slide]
Acura RDX 1

Американската премиум марка на Honda го претстави новиот RDX. Со него ќе продолжи растот на продажбата на Acura. Платформата е нова, со седум сантиметри подолго меѓуоскино растојание и соодветно повеќе место во кабината.
[/tie_slide]

[tie_slide]
Acura RDX 2

Дволитарец со турбонатполнење и 276 КС работи во комбинација со десетстепен автоматик. Продажбата во САД започнува налето.
[/tie_slide]

[tie_slide]
subaru forester 1

Subaru стартува со комплетно нов Forester. „Боксерите“ под хаубата не се менуваат. Таму работи 2,5-литарски бензинец за пазарот во САД, со 182 КС. Во Европа ќе бидат поинтересни бензинците со 150 и 240 КС.
[/tie_slide]

[tie_slide]
subaru forester 2

Кабината е попросторна од претходникот. Продажбата во САД ќе започне веќе годинава, додека на европскиот пазар, новиот Forester веројатно ќе биде достапен дури в година.
[/tie_slide]

[tie_slide]
toyota corolla

Новиот Auris ќе биде достапен на пазарот во САД веќе летово, но под моделското име Corolla. Новитет е додавањето втора хибридна верзија, со новиот дволитарски бензинец и системски 180 КС.
[/tie_slide]

[tie_slide]
Toyota RAV4 2

Нова генерација на RAV4 доживеа премиера во Њујорк. Кутиестиот изглед потсеќа на концептот FC-AT. Покрај хибридната верзија се нуди и верзија со четирицилиндарски бензинец од 2,5 литри.
[/tie_slide]

[tie_slide]
Toyota RAV4 1

Продажбата во САД почнува кон крајот на годинава, автомобилот пристига во Европа во почетокот на 2019 година.
[/tie_slide]

[tie_slide]
hyundai tucson 1

Hyundai го освежи компактниот теренец Tucson. Сменети се предниот и задниот браник, бандажите, нови се диодните светла. Има промени и во моторите. Нов дизел од 1,6 литар испорачува 115 или 133 КС, додека дволитарецот со 186 КС е достапен со нов осумстепен автоматик.
[/tie_slide]

[tie_slide]
hyundai tucson 3

Промените се гледаат повеќе во кабината. Сменет е дизајнот на арматурната табла, а издвоениот средишен дисплеј дава модерна нота. Продажбата на освеженото моделско годиште на Tucson стартува налето.
[/tie_slide]

[tie_slide]
Hyundai Kona Electric

Hyundai Kona Electric ќе биде достапен на американскиот пазар во последниот квартал од годинава, но во почетокот само во Калифорнија, како сојузна држава којашто предводи во примената на електричниот погон. Батерија од 64 kWh го снабдува електромоторот од 204 КС со енергија за околу 400 километри.
[/tie_slide]

[tie_slide]
Audi RS5-2

Audi RS5 добива верзија со четири, или поточно со пет врати. Мал проблем може да биде тоа што RS5 Sportback ќе биде достапен само на северноамериканскиот пазар. Мала утеха може да биде тоа што комбито RS4 Avant не се продава таму.
[/tie_slide]

[tie_slide]
Audi RS5 2

Купе-лимузината со 450 КС сепак ќе биде достапна и на европскиот пазар, но малку подоцна. Битурбо шестцилиндарецот од 2,9 литри и во Sportback ќе работи во комбинација со погон на сите тркала и осумстепен автоматик, но со неколку килограми екстра наспроти класичното купе со две врати.
[/tie_slide]

[tie_slide]
maserati levante trofeo 1

Maserati Levante Trofeo се придружува на трендот на спортски теренци со лути мотори. Битурбо-V8 од 3,8 литри доби нови турбополначи, брегасти вратила и вентили. Тоа резултира во 590 КС и 730 њутнметри.
[/tie_slide]

[tie_slide]
maserati levante trofeo 2

Спринтот до сто трае 3,9 секунди, крајната брзина е над 300 km/h. Серија во ограничен број примероци ќе биде достапна на северноамериканскиот пазар од втората половина на годината.
[/tie_slide]

[tie_slide]
kia k900 1

Kia сака да внесе промени во високата класа и го претставува К900. Сите светла работат со диодна техника, дизајнот силно потсеќа на Mercedes.
[/tie_slide]

[tie_slide]
kia k900 2

Хром не смее да недостига, исто како што и во кабината не може да се очекува друго освен кожа и дрво. Голем дисплеј стои на врвот на средишната конзола, ракувањето е преку класичен мулти-контролер. Под хаубата работи V6 од 3,3 или 3,8 литри, односно петлитарски V8 со 425 КС. Европскиот пазар не е интересен за големата Kia.
[/tie_slide]

[tie_slide]
Genesis_G70

Престижната марка на Hyundai го прикажува Genesis G70, кој е наменет како закана за серијата 3, C-Class и А4. При развојот се тестирало и на Нирбургринг. Од спортската „опрема“ се присутни блокада на диференцијал, сопирачки Brembo и гуми Michelin Pilot Sport 4.
[/tie_slide]

[tie_slide]
genesis g70 2

Американските купувачи ќе избираат меѓу дволитарец со 255 КС и 3,3-литарски V6 со 330 КС. Неколку пазари во Европа ќе добијат примероци од G70 дури кон крајот на следната година.
[/tie_slide]

[tie_slide]
Volkswagon_Atlas_Tanoak

Volkswagen преку концептот Atlas Tanoak го најавува идниот пикап за американскиот пазар, Основата ја дава платформата MQB, за погон служи 3,6-литарски VR6 со 280 КС. Погонот е на сите тркала, возачот има на располагање и теренска редукција.
[/tie_slide]

[tie_slide]
mercedes-amg c43 cabrio fl

По огнометот од новитети во Женева, на Mercedes му останаа доволно светски премиери и за Њујорк. Тука дебитираа освежените моделски годишта на купето и кабриолетот од C-Class. Фејслифтот ги опфати и моделските верзии AMG C43, чијшто трилитарски V6 битурбо сега ослободува 390 КС или за 23 КС повеќе од порано.
[/tie_slide]

[tie_slide]
mercedes-amg c63

Новини има и за AMG C 63, кој ја добива препознатливата панамерикана-маска, заедно со попречни ламели во страничните отвори за воздух. Со тоа одат и нови бандажи со оптимирана аеродинамика и полиран надворешен прстен. Осумцилиндарецот ослободува 476 КС, односно 510 КС во C 63 S. Топ-верзијата на AMG во гамата на C-Class може да се очекува во салоните кон крајот на летото.
[/tie_slide]

[tie_slide]
porsche 911 gt3 RS WS

Porsche 911 GT3 RS со пакет „Вајсах“ првпат се појавува пред американската публика. Моделската верзија се распознава по карбонската хауба и покрив, магнезиумските бандажи и уште неколку детали од карбон. Специјалниот пакет „Вајсах“ кај GT2 чинеше колку половина Macan. Кај GT3, доплатата веројатно ќе биде уште поскапа.
[/tie_slide]

[tie_slide]
porsche 911 gt3 RS WS 1

Четирилитарскиот атмосферски боксер располага со 520 КС. Дополнителните отвори за воздух во хаубата, модифицираниот заден спојлер, задните светла и новите браници се дел од моделското освежување на GT3.
[/tie_slide]

[tie_slide]
volkswagen cross sport

Американскиот теренец на Volkswagen ќе добие и купе-изведба, но тоа ќе се случи дури во 2019 година. Студијата Atlas Cross Sport го покажува изгледот на идниот купе-теренец, кој поради закосената линија на покривот го изгуби третиот ред седишта.
[/tie_slide]

[tie_slide]
volkswagen atlas cross sport

Салонскиот автомобил располага со плагин-хибриден погон, со комбинација на 3,6-литарски VR6 со 280 КС и два електромотора, од кои едниот е задолжен за погон на задната оска. Системската моќ изнесува 360 КС, со полна батерија може да се извозат најмногу 70 километри.
[/tie_slide]

[tie_slide]
jaguar f-pace svr

Jaguar F-Pace го доби петлитарскиот V8 со механички компресор и со 550 КС од Jaguar F-Type SVR. Спринтот до сто трае 4,3 секунди, крајната брзина е 283 km/h.
[/tie_slide]

[tie_slide]
jaguar f-pace svr 2

Заедно со моќниот мотор одат спортско подвозје и зајакнати сопирачки. Првите примероци се очекуваат наесен, ценовникот почнува од 110.000 евра.
[/tie_slide]

[tie_slide]
genesis essentia concept 2

Genesis Essentia Concept е еден од ретките студиски автомобили во Њујорк и ја прикажува визијата на дизајнерите на престижната марка на Hyundai за спортско купе со електричен погон.
[/tie_slide]

[tie_slide]
genesis essentia concept 1

Каросериската структура се базира на карбонски монокок, врз него е поставена стаклена купола.
[/tie_slide]

[tie_slide]
genesis essentia concept

За ефект, и вратите се отвораат нагоре.
[/tie_slide]
[/tie_slideshow]

По Детроит 2015: Америка, земја на неограничени можности – со евтиниот бензин!

Volkswagen инвестира 340 милиони долари во теренецот за Америка

Еден милион корисници на car2go во Северна Америка

И американските судови се острат против германскиот картел

 


Like it? Share with your friends!

135
98 shares, 135 points
djakonov

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730