за

Rolls-Royce што политбирото му го забрани на диктаторот Чаушеску

Rolls-Royce Phantom V Чаушеску

Овој англиски благородник на четири тркала има проживеано бурна историја, почнувајќи од нарачката од Чаушеску, побуната од Москва, секојдневното возење по улиците на Питсбург, до користењето како службен превоз за Нејзиното Височество Кралицата. Овој „еден од пет“ примероци на Rolls-Royce Phantom V од 1966 година, неодамна се појави на наддавање во Аризона.

Во 1966 година, Николае Чаушеску, комунистичкиот диктатор на Романија, посака автомобил. Изборот падна на еден од петте примероци на Rolls-Royce Phantom V што беа изведени како претседателка лимузина, вклучувајќи платнен покрив назад. Автомобилот ги поседуваше сите можни опции, меѓу кои и висинско местење на задните седишта, коктел бар, телевизор, посебни клима уреди за возачката и патничката кабина, ладилник за вино. Со цена малку под 20.000 фунти, тоа беше најскапиот примерок на Phantom V.

New photo by Automedia MK / Google Photos

Таков автомобил по капиталистички терк не беше по вкус на Москва. Се шпекулира дека лично Брежњев се побунил за луксузното возило и забранил романскиот комунистички диктатор да го користи возилото. По една година чмаење, фантомот бил испратен назад за Англија. Како замена пристигнал малку поприземен Silver Shadow.

Rolls-Royce веднаш наоѓа купувач за несудениот фантом на Чаушеску

Не минало долго време додека Rolls-Royce пронашол купувач. Во тоа време, Др. Ерл М. Хит и неговата сопруга, од Питсбург, Пенсилванија, престојувале во Лондон заради сервисирање на Silver Shadow на госпоѓа Хит. Во 1968 година, Phantom V пристигнал на американска почва, како единствен примерок од ексклузивниот модел, испорачан на приватен купувач.

New photo by Automedia MK / Google Photos

Сопружниците Хит биле големи колекционери, со неколку примероци Duesenberg од 1950-те во колекцијата, покрај Ferrari и Rolls-Royce. Нетипично за колекционери, тие редовно ги користеле своите скапоцени возила во секојдневието. Истата судбина го снашла и новодојденецот во збирката, Phantom V. За три децении, англискиот благородник минал близу 190.000 километри.

Нејзиното Височество Кралицата двапати се вози во Phantom при своите државнички посети

Во 1975 година, владата на Бермуда контактирало со Хитови, подготвувајќи се за државната посета на Нејзиното Височество Кралицата. Островските власти побарале Phantom V да се користи за превоз на Кралицата. Потоа, во 1983 година, Кајманските острови го побарале несудениот фантом на Чаушеску, исто така за превоз на Кралицата. Во меѓувреме и Принцезата Грејс од Монако го удостоила автомобилот како патничка, за време на нејзината посета на Питсбург во 1978 година.

New photo by Automedia MK / Google Photos

По починувањето на Др. Хит во 1992 година, Phantom V преоѓа во сопственост на Том и Катрин Дрискол од Илиноис, за потоа да стане дел од колекцијата Калуме. Во историјата на овој Rolls-Royce се впишуваат уште бројни имиња, меѓу кои и астронаутот Баз Олдрин, за време на Холивудската Божикна Парада. Во 2015 година, автомобилот добива награда за сочуваност.

Во оригинална состојба и со само 260.000 километри, на наддавање во Аризона

Освен неколку мали поправки на лакот и каросеријата, поради мало вдлабнување во сообраќајот по улиците на Питсбург, Phantom V е во оригинална фабричка состојба. Непосредено пред наддавањето во Аризона, возилото имало поминато 161.795 милји, односно околу 260.000 километри.

На наддавањето што се одржа во Феникс, Аризона, англискиот фантом не ја достигна максималната проценета вредност од 1,5 милион долари и се продаде за 445.000 долари. Можеби некое од бројните историски поглавја на автомобилот не им се допаѓаат на колекционерите.

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

Пробно возење и за клиентите на Rolls-Royce

Rolls-Royce пристига на јубилејот на Гудвуд со Silver Cloud од 1966 година

Rolls-Royce денес затвора порано – се гледа фудбал

Зошто Rolls-Royce поврзува автомобили и коњак?

Првиот автомобил на Dacia се појави пред 50 години

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

патување автомобил безбедност

Замор зад воланот: Неколку совети за одложување на дремката

honda urban ev zeneva

Honda го потврди електричниот автомобил за салонот во Женева