за

Футуристичкиот Rolls-Royce повторно дома по четиригодишна светска тура

rolls-royce 103 EX vrakanje
rolls-royce 103 EX vrakanje

Британската престижна марка автомобили деновиве го прославува враќањето на футуристичкиот концепт RollsRoyce 103EX, којшто беше посебно развиен за прославата на стогодишнината на матичниот концерн BMW.

Претставен премиерно во 2016 година, овој радикален автомобил поседува целосно електричен погон, вози со автопилот и поседува најнапредно ниво на вештачка интелигенција. Кралската марка го разви овој „103EX“ со цел да прикаже како ќе изгледаат најлуксузните возила и возењето во нив во некоја не толку блиска иднина.

По официјалното претставување во прочуената „Roundhouse“ во Лондон, футуристичкиот Rolls-Royce кусо се врати во Гудвуд, од кадешто замина на глобално патешествие, со појавување на најразлични настани за клиентите и за медиумите ширум светот.

Светска турнеја за Rolls-Royce 103EX организирана исто како за музичка ѕвезда

Спектакуларниот 103EX се врати во „Домот на Rolls-Royce“ во посебно изработен транспортер, заедно со тимот специјалисти коишто ја придружуваа долгата тура, одржувајќи го и подготвувајќи го возилото за бројните настани.

New photo by Automedia MK / Google Photos

Торстен Милер-Отвос, шефот на Rolls-Royce Motor Cars, изјави: „Со одушевеност го пречекавме враќањето на 103EX во неговиот дом во Гудвуд. По близу четири години во светска мисија, почувствувавме дека е време овој експериментален модел да се врати дома. За тие што работеа на проектот, ова е шанса да се заживеат големи сеќавања, а за луѓето што неодамна ни се придружија, шанса да запознаат еден од најважните автомобили што го имаме изработено досега.“

По сиот публицитет што го предизвика на неговата светска мисија, Rolls-Royce 103EX нечујно се паркираше на своето место во салонот на британската марка. Неговата работа сепак беше „гласна“.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Преполовен бројот на посетители на салонот во Франкфурт

Преполовен бројот на посетители на салонот во Франкфурт

Mini Cooper S E Countryman 4All eko-predizvik Markov manastir

Mini што вози 200 km на струја и неколку километри на бензин