Русија ќе го лансира новиот СУВ-модел на Renault наменет за светскиот пазар. Моделот позициониран меѓу актуелните Captur и Kadjar ќе се произведува во Москва. Премиерата е најавена за август, на салонот во руската престолнина
Renault најавува вистинска пресвртница на рускиот пазар на СУВ-автомобили, со новиот модел во компакт класата којшто ќе биде претставен на салонот во Москва, во август. Русија ќе биде првата земја којашто ќе го произведува новиот СУВ-модел наменет за светскиот пазар. Производството ќе се одвива во фабриката на Renault во близина на Москва. Новиот модел подоцна ќе се воведе и во уште неколку фабрики во производствениот синџир на Renault.
Како основа за компактниот СУВ веројатно ќе послужи актуелниот Kaptur, кој има сличен изглед со Renault Captur, но изработен е врз платформата на Dacia Duster и се продава и произведува во Русија, Индија и Бразил.
Французите засега објавија само една фотографија, којашто повеќе сокрива, отколку што открива, но се познава дека новиот СУВ-модел ќе го следи актуелниот динамичен стил на марката, со карактеристичните дневни светла во форма на потковица.