Fiat Chrysler и Renault требаше да се спојат во трет најголем производител на автомобили во светот. Но, плановите пропаднаа. На Renault му преостанува да ја зајакне јапонската врска со партнерите Nissan и Mitsubishi.
Францускиот производител Renault се најде под притисок, откако Fiat Chrysler го откажа предлогот за спојување на двете компании. Во средата се одржа годишното собрание во Париз, на коешто шефот Жан Доминик Сенард посочи дека е неизвесно што ќе донесе иднината. Според претседателот на Renault, главната задача натаму е да се зајакне постоечката соработка со јапонските производители Nissan и Mitsubishi.
Францускиот министер за финансии му препорачал на шефот на Renault да започне преговори со Fiat
Fiat Chrysler во средината на минатата недела одненадеж се откажа од предлогот за спојување со францускиот производител, наводно поради одложувањето на Renault да донесе конечно решение околу фузијата со итало-американскиот концерн. Француската држава поседува 15 проценти од акциите во Renault и има силно влијание врз компанијата. Сенард откри дека францускиот министер за стопанство и финансии Бруно Ле Мер, пред неколку месеци го советувал да започне преговори со Fiat Chrysler. Така и се случи.
Менаџерите првпат се состанаа без долгогодишниот шеф на концернот Карлос Гон. Тој беше приведен пред крајот на минатата година во Јапонија, под обвинение за берзански проневери. Гон е архитектот на сојузот со Nissan и Mitsubishi. По избувнувањето на аферата, алијансата западна во криза, која уште не е надмината.
Можен продолжеток на преговорите меѓу Renault и Fiat
Renault Koleos доби нови мотори и вози покомфорно
Fiat го откажа предлогот за спојување со Renault
Што ќе донесе мега-спојот меѓу Fiat и Renault?