за

Камион Renault во специјална серија од 125 примероци

Renault T High 1894
Renault T High 1894

Renault Trucks одбележува 125-годишнина со посебно издание на T High со ознака 1894, според годината на основање. Моделот со 520 КС ги носи боите на логото на Berliet и ќе биде достапен во само 125 примероци во цела Европа. Каросеријата е лакирана во ексклузивна „ноќно-сина“ боја, маската е во златно жолта, додека некои помалку впечатливи делови се во црвена боја.

T High 1894 е опремен и со компресорски фанфари во златна боја, како и рефлектори на покривот. Кабината ја украсуваат графички детали, задолжителниот натпис „Edition 1894“ и посебно лого, коешто е комбинација од знакот на Renault и историското лого на Berliet, препознатливо по локомотивата во средина.

Во истиот стил е изведена и внатрешноста. Арматурната табла и воланот се во ноќно сина боја, додека облогите на вратите се во црвена и сина боја. Црвената е присутна во рамките на отворите за проветрување. Седиштата од Recaro со црна кожа имаат црвени штепови. На потпирачот за глава пишува „Edition 1894“ со златен конец.

New photo by Automedia MK / Google Photos

Во опремата спаѓа таканаречена панорамска арматурна табла, со два големи дисплеи, на кои се прикажува и снимката од камерата за рикверц. Berliet е поранешен француски производител на автобуси и камиони, кој во 1970-те години стана дел од групацијата Renault. Денес и самиот Renault Trucks е дел од групацијата Volvo.

Швајцарски превозници тестираат електрични камиони на Mercedes

На овој камион му е вишок „камионот“

Mercedes го испорача 750.000-от камион во „пакет“

Електричен камион носи делови за електричниот Porsche

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Ferrari_P80_C

Ferrari доаѓа со две премиери во Гудвуд

Volkswagen компјутерски центар во Норвешка

Компјутерски центар на Volkswagen работи на струја од водопад