за

Renault, Nissan и Mitsubishi стануваат рамноправни партнери

renault nissan mitsubishi nova struktura

Алијансата меѓу Renault, Nissan и Mitsubishi ги менува одговорностите по заминувањето на Карлос Гон. Главната измена е во тоа што првиот човек на Mitsubishi во иднина ќе има посилен збор во алијансата.

Автомобилското тројство меѓу Renault, Nissan и Mitsubishi доби нова раководствена структура по средбата на шефовите во седиштето на Nissan Јокохама. Чекорот беше неопходен откако поранешниот прв човек на алијансата, Карлос Гон, се наоѓа во притвор, поради сомневање за извршени берзански малверзации и финансиски проневери.

Тоа го најавија новиот претседател на Renault, Жан Доминик Сенард, генералниот директор на Renault, Тиери Болоре, како и шефот на Nissan, Хирото Саикава и шефот на Mitsubishi Motors, Осаму Масуко.

Оперативен совет ќе биде врвната раководствена структура во алијансата Renault Nissan Mitsubishi

Со алијансата во иднина ќе раководи „оперативен совет“, на чијшто врв ќе се наоѓа претседателот Сенард. Сите одлуки ќе се носат во консензус со трите останати членови на советот, односно претседателите на управните одбори на трите марки. Шефот на Mitsubishi, Масуко, на тој начин ќе добие поголемо влијание во алијансата. Од друга страна, менаџментот на Renault ја задржува доминацијата.

Советот ќе се состанува еднаш месечно во Париз или во Токио. Планирано е да се формираат оперативни комитети, кои ќе претставуваат детални анализи на одредени теми. Промените се донесуваат главно благодарение на Nissan, кој бараше поголемо влијание и рамноправност на одделните партнери.

Renault поседува 43,4 проценти од акциите на Nissan, додека јапонскиот производител учествува со 15 проценти во акциите на Французите, но нема право на глас.

Mitsubishi го прикажува идниот Outlander во Женева?

Eclipse Cross стартува со продажба: Сé од Mitsubishi, во едно

Nissan Micra се осили со турбо-бензинец со 117 КС

Renault Clio ќе биде најпродаваната премиера од Женева

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

innogy polska vozen park elektricni

Жителите на Варшава добиваат 500 електрични возила за кусо изнајмување

Ford transit sport

Може едно спортско комбе од Ford со 185 КС?