Renault и Nissan ги отфрлија медиумските објави околу наводното раскинување на долгогодишната алијанса. Меѓу францускиот и јапонскиот производител сепак остануваат одредени несогласувања.
Алијансата меѓу Renault и Nissan подолг период е под притисок. Напнатоста се зголеми нагло пред околу една година, откако Карлос Гон, поранешниот шеф на автомобилскиот сојуз, беше приведен во Јапонија. Тој се најде под обвинение дека прикривал дел од својата добивка. Според шпекулациите, целта е да се спречи воспоставување потесна соработка меѓу двата големи производители.
Имајќи ги на ум овие состојби, сосем е веродостојна веста што проструи пред неколку денови, за наводните планови Nissan да излезе од сојузот со Renault. Двете компании денес ги отфрлија овие шпекулации како невистинити.
„Алијансата е темелот на конкурентноста на Nissan“, објави јапонскиот производител. Nissan планира и натаму „да ги користи вин-вин резултатите од сите компании што учествуваат“. Претседателот на Renault, Жан-Доминик Сенард, за белгискиот L‘Echo изјави дека алијансата е „солидна, робусна, далеку од мртва.“
Renault, Nissan say alliance not headed for break-up https://t.co/JURnKZN7FP pic.twitter.com/lgntdtw5VE
— Reuters (@Reuters) January 14, 2020