137
18 shares, 137 points

Францускиот производител ќе почне да прима нарачки за рекордерскиот Renault Mégane R.S. Trophy-R од крајот на август. Цената исто така е рекордерска: Точно 60.000 евра. Секако, може и уште поекстремно од тоа.

Renault Mégane R.S. Trophy-R ќе може да се нарачува од крајот на август по цена од 59.740 евра за францускиот пазар. Новиот рекордер меѓу сериските возила со преден погон на Нирбургринг-Нордшлајфе и на белгиската Спа Франкоршамп конечно ќе пристигне кај сопствениците во декември, во исклучително ограничена серија за производител од рангот на Renault. За целиот светски пазар се планирани само 500 примероци.

Како основа за возилото служи Mégane R.S. Trophy, којшто е олеснет за 130 килограми. Главните преправки се во хаубата, којашто е изработена од карбон и фиберглас, а дополнително поседува отвор за воздух заради подобро ладење, во спортскиот издув од титан и во тркачкото подвозје со амортизери Öhlins со бројони можности за местење. Пакетот го заокружуваат бандажи од 19 инчи со посебно изработени гуми Bridgestone и екстралесни школкасти седишта Sabelt од фиберглас, обложени со алкантара.

New photo by Automedia MK / Google Photos

За натамошно смалување на тежината е отстранета задната клупа и вградена е олеснета задна оска, без управување на сите тркала 4Control. На тоа следат ковани бандажи од мотоспортот. Сопирањето е задача на композитни дискови од 355 милиметри со црвени сопирачки клешти од Brembo.

New photo by Automedia MK / Google Photos

Уште поексклузивно е кога станува збор за Mégane R.S. Trophy-R со карбон-керамички пакет. Оваа екстремно мала серија од 30 возила се цени на 85.740 евра по возило. Тркачкиот Megane за по улица во тој случај поседува карбонски бандажи од 19 инчи, керамички сопирачки дискови од 390 милиметри напред, со позлатени сопирачки клешти, како и преправени отвори за воздух, место препознатливите дополнителнки светла со дизајн на шаховница.

New photo by Automedia MK / Google Photos

Моторот со 300 КС од 1,8 литар, со турбонатполнење, ист е како во R.S. Trophy. Спринтот до сто трае 5,4 секунди, крајната брзина изнесува 262 km/h. За преносот на сила е задолжен шестстепен мануелен менувач.


Ти се допаѓа? Сподели со пријателите!

137
18 shares, 137 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *