за

Најоригиналниот француски автомобил денес – што е подобар од СУВ

renault espace v
renault espace v

Постои таков автомобил што има издржлива основа и голем клиренс како СУВ, што има просторна кабина и може некогаш да патува и со седум патници, а воедно вози комфорно како лимузина, нуди луксуз и има елегантна појава? Многумина би се откажале уште од старт и би помислиле дека се работи за шега. Таков автомобил, сепак, постои. Зарем е изненадување ако марката што го нуди тоа е токму Renault?

Името на моделот е познато, но неговата традиционална форма е умешно прикриена. Поточно е да се каже дека изгледот на каросеријата е всушност приспособен за ерата на СУВ-возилата, во којашто исчезнаа многубројни каросериски форми, меѓуформи, оригинални во секој случај.

Renault Espace е име на коешто му припаѓа мошне важно место во автомобилската историја. Тој беше првиот ван, но на Французите не им беше доволно тоа, па неговата каросерија ја изработија од лесна и за тоа време технолошки напредна пластика, а кабината ја изведоа како домашен салон. Семејниот ван опстојуваше беспрекорно во своите четири генерации. Потоа се случи СУВ-манијата.

New photo by Automedia MK / Google Photos

Espace од петтата генерација и натаму е ван, но направен е да потсеќа по малку на СУВ, а на моменти и да вози како таков. Индустријата одамна има смислено име за тоа, Renault Espace V е кросовер со сите нишани. Кој уште би помислил дека тој е веќе петта година на пазарот?

Multi-Sense е концепт што дури сега почнува да се применува во луксузните крстосувачи на конкуренцијата

Само некои од главните обележја, кои беа сензација при премиерата и дури денес стануваат стандард во поскапите модели: Динамично управување на сите тркала 4Control, диоди за сите функции на светлата или Multi-Sense, со којшто се избира работата на управувањето, менувачот, амортизацијата и моторот, а дополнително се менуваат и осветлувањето на кабината, климатизацијата и звукот на моторот.

New photo by Automedia MK / Google Photos

Французите се добро извежбани со ванот Espace, така што кросоверот Espace со своите 4,86 метри во должина, 1,89 метар во ширина и 1,68 метар во висина практично доаѓа со гаранција дека овој простор е искористен подобро отколку во кој било друг автомобил од кросовер или СУВ-сегментот. На тоа следи уште меѓуоскино растојание од 2,88 метри.

New photo by Automedia MK / Google Photos

Чувството напред пак е како во ван, затоа што ветробранот има површина од 2,8 метри квадратни. Духот на стариот Espace се чувствува и во просторот за колена долг 30,8 сантиметри во вториот ред. Притоа останува и багажник од 680 литри, односно максимални 2.101 литри, кога седиштата ќе се впуштат во подот. Во верзијата со седум седишта се „губат“ само неколку литри.

New photo by Automedia MK / Google Photos

Предните седишта се масивни како во S-Class, буквално фотелји. Во топ-изведбата Initiale Paris следува електрично местење, меморија, вентилација и масажна функција. Добар трик се изведува од возачкото место: Со притискање на „копче“ во големиот дисплеј во средината, седиштата назад се преклопуваат во подот. Во другото сценарио, кога треба да се импресионираат патничките и патниците, во кабината може да се избира светло во зелена, сина, беж, црвена или виолетова боја. Страничните прозорци се двослојни, за во кабината уште помалку да допираат звуци однадвор вклучувајќи го струењето на воздухот.

New photo by Automedia MK / Google Photos

Возачот има на располагање три дисплеи: Дигитални инструменти, проекциски дисплеј директно во видното поле или исправен дисплеј од 8,7 инчи во средишната конзола. Во нивото Initiale Paris, конзолата е изведена сосем различно, со други контроли и посебен распоред. Луксузно. Тука се избира дали Espace ќе вози комфорно, неутрално, спортски или еко. Има и модус по личен избор. За тоа време, музиката доаѓа од 12 звучници, Bose нормално.

Управувањето на сите тркала ја подобрува динамиката надвор од град, односно го олеснува паркирањето во град

Специјалитет е управувањето на 4 тркала. Над 50 km/h, задните тркала се вртат до 2 степени, во ист правец со предните. Тоа е добро за стабилноста. Под таа брзина, тркалата на задната оска се вртат спротивно од предните, до 3,5 степени, со што овој близу петметарски крстосувач се паркира како да е Twingo.

New photo by Automedia MK / Google Photos

Сите овие ставки се стандард во топ-нивото Initiale Paris. Тоа важи и за приспособливата амортизација, за којашто може да се избираат три основни начини на работа. Притоа, интелигенцијата на подвозјето ги следи промените во интервали од 100 милисекунди и соодветно ја приспособува работата на амортизацијата. Да потсетиме дека ова е сепак француски автомобил?

New photo by Automedia MK / Google Photos

Изборот од мотори го сочинуваат TCe 225, турбо бензинец од 1,8 литар со 225 КС и спринт до темпо сто за 7,9 секунди, и дизел Blue dCi 200, дволитарец со SCR-катализатор, Адблу и 400 њутнметри. Во вториов случај, вртежниот момент се пренесува до предната оска преку 6-степен менувач со двојна спојка.

New photo by Automedia MK / Google Photos

Секако дека има посебна приказна и во конструкцијата, верно на традицијата. Вратите и хаубата се од алуминиум, предните крила и задниот капак се од пластика. Во системите за асистенција исто така ништо не недостига, тука Espace уште при стартот беше пред конкуренцијата. Уште еден детал што совршено го заокружува концептот се 16-те сантиметри растојание од подлогата. Некои вистински СУВ-модели располагаат со помалку „резерва“ за терен. Тоа што погон на сите тркала не се нуди, најмалку е проблем. Кој уште би помислил со овој луксузен крстосувач да влегува во кал. Сепак е изведена и посебна заштита на подвозјето.

New photo by Automedia MK / Google Photos

Според францускиот ценовник, топ-дизелот Blue dCi 200 EDC, заедно со ниво на опрема Initiale Paris, чини 52.700 евра. Бензинецот спушта на 49.700 евра. Во тој случај барем нема опции. Сé е вклучено.

Постои и екстра-можност, а тоа е Espace да се претвори во подвижна канцеларија. Во тој случај, името станува Espace Executive, во средниот ред доаѓаат две фотелји место три седишта, со греење и електрично местење, вклучувајќи и посебна комфорна позиција, буквално да се залегне во фотелјите. Во пакетот е вклучена и посебна средишна конзола назад. Преработката во Executive се врши посебно од фабричките погони, во Renault Tech во Одбувие. Секако тоа има и цена: Плус 30.500 евра.

Уште неколку кадри од Renault Espace

New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos
New photo by Automedia MK / Google Photos

И легендата…

View this post on Instagram

Iconic as New Order’s Blue Monday, this golden first generation Renault Espace from the first production year. The result of a project by Chrysler UK and Matra but finally sold to Renault. When it entered the market that year it was the first European MPV on the road. A driving piece of history. I want one for my summer holiday. #renault #renaultespace #espace #oldskool #youngtimer #youngtimers #classiccar #classiccars #classiccarsdaily #soloparking #carphotography #voituredecollection #voitureancienne #mpv #autodepoca #cargram #carstagram #carsofinstagram #instacar #instacars #drivetastefully #matrarancho #renaultclassic #multipurposevehicle #matra #chrysler #autogespot #carspotting #carspotter #amazingcars247

A post shared by L I M O Z I N E (@limozine.nl) on

И дигиталниот салон на Renault…

 

 

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

lamborghini еден милион јутјуб

Lamborghini со награда за 1 милион следбеници на јутјуб

toyota mirai 10000 motomachi

Toyota произведе 10.000 примероци од „водородниот“ Mirai