Долгогодишната соработка меѓу Renault и Daimler нема да биде погодена од плановите на францускиот производител да заштеди милијарди евра во корона-кризата. Шефот на Renault дури најави дека во следните недели може да се очекува позитивна вест во врска со соработката со германскиот концерн.
Планот што францускиот производител Renault го претстави денес, со цел да се заштедат неколку милијарди евра, според управата на компанијата, не влијае врз долгогодишната соработка со Daimler. Напротив, наскоро се очекуваат нови чекори во насока на продлабочување на соработката, како што соопшти шефот Жан Доминик Сенард на настанот што се пренесуваше на интернет.
„Имаме одлична соработка и сакаме на алијансата да ѝ дадеме нов поттик“, изјави Сенард. Според францускиот шеф, алијансата постигнала исклучителни резултати во изминатиот период и сега таа треба да добие нов замав. „Водиме многу позитивни разговори“, додаде Сенард. Деталите засега не се соопштуваат.
Претседателот на Renault дури во средата излезе со позитивен став за соработката со Daimler. „Се надевам дека во следните недели ќе можеме да соопштиме многу добри вести“, најавува Французинот.
Кон крајот на минатата година се појавија стравувања, дека соработката меѓу Renault и Daimler би можела да заврши, поради спорот меѓу францускиот производител и партнерот Nissan.