158
51 shares, 158 points

Петтата генерација на Renault Clio нема лесна задача да го наследи претходникот, кој ќе замине како втор најпродаван модел во Европа, по Golf. Враќањето на духот на првата генерација и вешто составената моделска понуда сепак ветуваат дека новиот Clio ќе има мошне забележлив пазарен старт.

Renault Clio во основната моделска изведба со мотор со 65 КС стартува од 14.100 евра на францускиот пазар. За овој модел сепак ќе треба малку да се почека, затоа што моментно се примаат нарачки само за турбо-бензинците со 100 и со 130 КС, како и за Blue dCi со 85 и со 115 КС.

Renault сака повторно да се издвои во безбедноста, овојпат со системите за асистенција што следуваат уште во основното ниво

Купувачите имаат на располагање пет нивоа на опрема: Life, Zen, Intens, новото R.S. Line и престижното ниво Initiale Paris. Пријатно изненадување се диодните предни светла уште во основното ниво, заедно со систем за самостојно запирање при опасност од удар во пешак или велосипедист, систем за следење лента, камера за знаци и автоматско долго светло.

New photo by Automedia MK / Google Photos

Дури и во компакт класата е необично толку обемен арсенал од системи за асистенција и за безбедност. Тоа треба да се разбере како продолжение на настојувањето на француската марка да понуди повисоко ниво на безбедност од конкуренцијата, како што беше случај во „раните“ фази на Euro NCAP. На тоа се надоврзува патен компјутер со пречник од 4,2 инчи и електрика на предните прозорци со автоматска контрола.

New photo by Automedia MK / Google Photos

Второто ниво Zen дополнително поседува клима уред, средишен дисплеј од 7 инчи и подршка за Apple Car Play и Android Auto. Следното ниво на сериска опрема Intens веќе нуди луксуз за оваа класа, со дигитална табла со инструменти од 7 инчи, навигација, автоматски клима уред, алу-бандажи од 16 инчи, диодни магленки, пристап без клуч, радар назад и електрична паркирна сопирачка. Возачот може да избира и меѓу три режими на работа на погонската спрега.

Последните две нивоа R.S. Line (во замена за GT Line) и Initiale Paris се врвни изведби во стил на Baccara и сличните специјални серии од првата генерација.

За цените, почетокот на продажба и нивоата на опрема за македонскиот пазар уште е рано. Генерацијата во заминување моментно стартува од 12.190 евра.

Целосниот ценовник за новиот Renault Clio за францускиот пазар:

НИВО НА ОПРЕМА

МОТОР

ЦЕНА

LIFE

SCe 65 *

14,100 €

SCe 75 *

14,600 €

ZEN

SCe 75 *

16,500 €

TCe 100

17,800 €

Blue dCi 85

19,300 €

Blue dCi 115

20,600 €

BUSINESS

Sce 75 *

16,900 €

TCe 100

18,200 €

Blue dCi 85

19,700 €

Blue dCi 115

21,000 €

INTENS

TCe 100

20,100 €

TCe 130 EDC FAP

22,800 €

Blue dCi 115

22,900 €

R.S. LINE

TCe 100

21,400 €

TCe 130 EDC FAP

24,100 €

Blue dCi 115

24,200 €

INITIALE PARIS*

TCe 100*

23,300 €

TCe 130 EDC FAP*

26,000 €

Blue dCi 115*

26,100 €

Renault Clio ќе биде најпродаваната премиера од Женева

Кога Renault Clio ќе стане повеќе посакуван избор од Megane

Новиот Renault Clio почнува од внатрешноста

Renault Clio: Дваесет и петте години на најпродаваниот француски автомобил во историјата

 


Ти се допаѓа? Сподели со пријателите!

158
51 shares, 158 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *