163
21 shares, 163 points

Recaro Podium е првото седиште од специјалистот коешто ги исполнува барањата на ФИА, а воедно поседува и хомологација за користење во обичен сообраќај. Школката е изработена од полимер зајакнат со карбонски влакна. Со своите шест килограми, вклучувајќи ја облогата, „Podium“ е најлесно седиште во сегментот.

На потпирачот за грб се наоѓаат три отвори за ремен. Низ двата долни отвори може да се спроведат ремени со четири точки, како што се познатите „трегерски“ ремени од Schroth. Во автомобили за нормален сообраќај може да се користат и класични ремени со три точки.

Перничињата на допирните точки меѓу телото и школката на седиштето може да бидат изведени во различни бои и од различен материјал, а воедно овозможуваат и „природно“ вентилирање на седиштето. Воздухот може да циркулира во каналите меѓу перничињата и низ отворите во школката.

Школкестото седиште ќе се пушти во продажба од следното лето, со M и L големина на перничињата, со цени меѓу 2.650 и 2.990 евра. Recaro Podium е воедно и првото тркачко седиште со дозвола за користење во редовен сообраќај, коешто го добива ценетиот печат AGR од здружението на германските ортопеди, за седишта кои обезбедуваат правилна потпора на телото.

Седиштата на Ford Focus со печат од ортопедите


Ти се допаѓа? Сподели со пријателите!

163
21 shares, 163 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *