Околу 32.000 вработени во фабриките на јапонските автомобилски компании во САД заминуваат на неплатен принуден одмор.
Двата јапонски производители на автомобили Honda и Nissan го пратија персоналот во запрените фабрики во САД на неплатен принуден одмор и советуваат да се побара социјална помош за невработени лица. Кај Honda станува збор за 16.900 лица што се погодени од оваа одлука на компанијата, додека кај Nissan се околу десет илјади лица. Toyota им го откажа работниот ангажан на околу 5.000 вработени на одредено време, но не посегна по персоналот што е во редовен работен однос.
Мерката на скусено работно време е невообичаена за САД, за разлика од европските држави, кои ја практикуваат оваа мерка, со цел да се избегнат отпуштања во временски периоди за коишто се предвидува дека ќе траат релативно кусо време. Пред неколку денови и BMW најави дека ќе ги прати своите вработени во САД на неплатен принуден одмор. Вработените во Tesla ќе добијат пониска плата или мораат да заминат на неплатен одмор.
Во Европа и во САД моментно мируваат сите фабрики за автомобили. Во Кина, од кадешто започна да се шири пандемијата на корона и целиот развој на ситуацијата е во временска предност од неколку недели, производствените ленти веќе почнаа да се вртат. Тоа им влева надежи на менаџерите, дека мирувањето на производството во остатокот од светот ќе заврши или барем ќе се ублажат последиците. Веќе се зборува за постепено укинување на строгите ограничувања.
Tesla’s shipments in China jump after the company ramps up production at the Shanghai plant that was temporarily idled https://t.co/AqtoRpMg1V
— Bloomberg (@business) April 9, 2020