PSA, групацијата на Peugeot, склучи стратешко партнерство со SoundHound, стартап од Силиконската Долина, чијшто софтвер ќе овозможи возачот и патниците буквално да разговараат со својот автомобил
Следната генерација модели од групацијата PSA ќе располага со врвната технологија на SoundHound, стартап компанија од Силинонската Долина. Станува збор за водечко име во развојот и примената на вештачка интелигенција, вклучувајќи распознавање нормален говор.
Технологијата наречена „Deep Meaning Understanding“ е единственото решение коешто може брзо да одговара на повеќе прашања поставени во една реченица, слично како човек. Инженерите на SoundHound во следниот период ќе ги приспособуваат алгоритмите на најбрзата технологија за распознавање говор во светот, со цел возачите и патниците да можат да комуницираат преку говор со автомобилите од групацијата, односно со моделите од марките Peugeot, Citroen, DS и Opel.
Возачите во следната генерација модели на Peugeot ќе можат да управуваат со многубројни функции во возилото преку едноставна говорна комуникација
Таканаречениот дигитален личен асистент ќе може самостојно да извршува цела низа задачи, акко пронаоѓање ресторан што одговара на одредени барања (на пример да работи во недела навечер), како и да активира функции на возилото и да вклучува услуги преку интернет. Со една команда, возачот ќе може да ја мести температурата, брзината на вентилацијата или правецот на струење на воздухот во кабината.
Во следните две години, групацијата PSA ќе претстави неколку врвни технологии за конверзација, со цел на корисниците да им понуди единствен и ефикасен кориснички интерфејс. Напредниот систем за говорни команди ќе го поедностави ракувањето со автомобилот и воедно ќе придонесе за поголема безбедност.
Peugeot 508 против Volkswagen Arteon на споредбен тест на Ауто Билд