162
21 shares, 162 points

Десет секунди се доволни да се провали во некои од последните и популарни модели што овозможуваат пристап без клуч. Тоа го покажа истражувањето на британскиот магазин What Car. До истите резултати доаѓаат и другите истражувања кои се вршат години наназад.

Десет секунди за кражба во DS3 Crossback и триесет секунди додека Land Rover Discovery Sport се одвезе во непознато. Толку време им беше доволно на експертите за безбедност кои го спроведоа истражувањето на британскиот магазин What Car, да провалат, а честопати и да се одвезат во актуелни и популарни модели што се опремени со систем за пристап и стартување на возилото без клуч.

Со техниката што не е проблем да се обезбеди, може за десетина секунди да се украде и Audi TT RS, но само доколку при активиран систем за пристап без клуч се исклучи сензорот за движење. Во Англија и Велс лани се пријавени повеќе од 106.000 кражби на автомобил, што е највисока вредност во последните осум години. Цел на крадците се возила што се опремени со пристап без клуч. Криминалците можат да го пресретнат сигналот од клучот и да го пренасочат кон друг уред што е оставен во близина на возилото.

На тестирањето на What Car? учествуваа седум различни модели, сите опремени со пристап без клуч. Некои од актуелните модели поседуваат заштита од кражба, при вградување на овој систем. Audi, BMW, Ford и Mercedes-Benz користат сензори за движење во самиот клуч од возилото. Доколку истиот не се држи во дланка, тој едноставно не дава сигнал. Меѓутоа, кога клучот се наоѓа в џеб или во чанта, а сопственикот на возилото пешачи, автомобилот пак станува лесна мета.

Jaguar и Land Rover користат посигурна заштита од кражба на возилата со пристап без клуч

Jaguar Land Rover користи различна техника, имено во некои од последните модели се вградува техника што работи во ултрашироко радиобраново подрачје и предава широко подрачје на сигнали од самиот клуч, што спречува крадците да го пресретнат сигналот и да го измамат системот.

Најдобра заштита е системот за пристап без клуч да се деактивира. Во возилата на тестот во тој случај не можеше да се провали. Но, оваа можност се нуди само во неколку модели.

Слични резултати покажа тестирањето што клубот АДАК го спроведе уште пред неколку години. Оттогаш има напредок, но тој се одвива премногу бавно. Според препораките на клубот, добра заштита е клучот да се чува во посебна футрола што штити од недозволен пристап.

Резултатите од тестирањето на What Car

Audi TT RS Roadster

Провала

Одвезување

Advanced Key исклучен

Не е можно

Не е можно

Advanced Key вклучен

5 секунди

5 секунди

BMW X3 (2018)

Провала

Одвезување

Digital Smart Key исклучен

Не е можно

Не е можно

Digital Smart Key вклучен

40 секунди

20 секунди

DS3 Crossback Ultra Prestige

Провала

Одвезување

Стандарден клуч

5 секунди

5 секунди

Ford Fiesta

Провала

Одвезување

Пристап без клуч исклучен

Не е можно

Не е можно

Птристап без клуч вклучен

40 секунди

20 секунди

Land Rover Discovery

Провала

Одвезување

Стандарден клуч

20 секунди

Не е можно

Land Rover Discovery Sport (2018)

Провала

Одвезување

Стандарден клуч

10 секунди

20 секунди

Mercedes-Benz A-Class

Провала

Одвезување

Keyless-Go исклучен

Не е можно

Не е можно

Keyless-Go вклучен

30 секунди

20 секунди


Ти се допаѓа? Сподели со пријателите!

162
21 shares, 162 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *