156
20 shares, 156 points

Германските статистичари повторно на дело. Тие ја пресметаа просечната моќност на регистрираните автомобили по градови. Минхен и Инголштат се први, со повеќе од 140 КС, како домашен терен на BMW и Audi. Веднаш зад нив е Штутгарт, односно Mercedes. На север, моќноста опаѓа на околу 115 КС.

Баварските градови Минхен и Инголштат, домовите на марките BMW и Audi, имаат возен парк со најмоќни автомобили. Возилата во приватна сопственост во Минхен располагаат со просечно 141,1 КС, додека моќноста во Инголштат е само половина КС пониска.

Во споредба меѓу покраините, предводат Баварија и Баден-Виртемберг, кадешто се наоѓа Штутгарт, домот на Daimler. Последни на овој список се градовите и регионите од северниот дел на Германија. Автомобилите во округот Лер во Источана Фризија, покраина Долна Саксонија, просечно располагаат со 116,5 КС. Просекот во земјата е 127,8 КС. Баварскиот просек е 135 КС, во Баден-Виртемберг се 133 КС, во Хесен 131 КС, додека на завршетокот на списокот се Саксонија (123), Мекленбург-Форпомерн и Саксонија-Анхалт (со по 122 КС).

За статистиката се користени податоци од осигурителните компании во Германија. Моќноста на моторот е основна големина при пресметката на осигурителната тарифа, според принципот – посилен автомобил, поголема опасност за незгода.

New photo by Automedia MK / Google Photos

Топ 10 Градови и региони во Германија со најмногу КС по автомобил

Град/Подрачје

Просек КС

Минхен

141,1

Инголштат

140,6

Штарнберг

139,2

Ајхштет

137,8

Регион Минхен

137,8

Динголфинг-Ландау

136,2

Баден Баден

135,8

Мисбах

135,7

Штутгарт

135,7

Фирстенфелдбрук

135,5


Ти се допаѓа? Сподели со пријателите!

156
20 shares, 156 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *