Дарко Јаконов
Производителот на спортски автомобили Porsche планира дополнително да заработи шест милијарди евра до 2025 година, заради финансирање на скапата офанзива со електрични автомобили
Porsche ќе ја зголеми својата оперативна добивка до крајот на 2025 година за 6 милијарди евра, за на тој начин да го финансира преориентирањето кон производство на електрични автомобили. Тоа значи дека во периодот меѓу 2018 и 2025 година, Porsche секоја година ќе заработува околу 750 милиони евра повеќе отколку што беше планирано досега.
За постигнување на таа цел ќе се подобрува ефикасноста, ќе се смалуваат трошоците и ќе се зголемува приходот од новите бизниси, како што се дигиталните услуги. Тоа е неопходно заради задржување на маржата на добивка во висина од 15 проценти, којашто ја одреди концернот Volkswagen.
Клиентите нема да ги плаќаат екстра трошоците за електричните автомобили на Porsche
Преку заштедата, Porsche ќе ги надомести огромните трошоци коишто произлегуваат при развој и производство на електрични автомобили. Производствените трошоци на првиот модел на Porsche кој за погон користи само струја, Taycan, повисоки се за 6.000 до 10.000 евра по возило. Taycan почнува со продажба веќе в година.
https://www.instagram.com/p/Bnbnq4RnVaY/
Преку оваа масивна заштеда, Porsche практично ќе ги ослободи сопствениците на Taycan и на останатите модели од плаќање на дополнителните трошоци.
Тајкун, Таркан, Тајкан: Електричниот Porsche доби име
Кавалкада на Porsche го полираше македонскиот асфалт
Porsche ги напушта дизелите, преоѓа на хибриди и батерии
Секое четврто Porsche во 2025 ќе биде на струја или хибрид
