Наддавањето за еден од историски најзначајните автомобили на Porsche, последниот примерок од „Typ 64“ и прв автомобил што го носи името Porsche, требаше да биде настан за паметење. Настанот ќе се помни, но поради пропустите на организаторот на наддавањето.
Колекционерите стоеја на готовс на наддавањето на Porsche Typ 64 од 1939 година, коешто се одржуваше викендов во рамките на автомобилската недела во Монтереј, Калифорнија. Според проценителите, овој историски значаен автомобил требаше да достигне вредност од најмалку 20 милиони долари. Но, место рекордот што светот очекуваше да се постави на ова наддавање во организација на прочуената аукциска куќа Сотби, се случи необјаснив дебакл.
Кога аукционерот ја објави почетната вредност од 13 милиони долари, на екранот зад него по грешка беше напишано 30 милиони долари. Истото се случи и кога вредноста се качи на 14 милиони долари, односно 40 милиони според екранот. Присутните почнаа да негодуваат, а кулминацијата следеше кога се појави комбинацијата со најавените 17 милиони долари од аукционерот и 70-те милиони долари според екранот. Тогаш и одговорните сфатија дека е направена грешка. Откако и публиката се побуни гласно, наддавањето мораше да биде прекинато.
Засега постојат само претпоставки, што навистина се случи во Монтереј. Најприфатливо е следното: Како што се забележува и на снимките, аукционерот изговара нејасно и не се разбира дали е „thirty“ или „thirteen“. Лицето коешто ракувало со прикажувањето на екранот, очигледно имало проблем да го разбере аукционерот.
Понудите официјално завршија на 17 милиони долари. Тоа е под минималната цена што сопственикот ја бараше за ова вредно парче од автомобилската историја. Porsche од 1939 година уште бара нов сопственик.
Ова фијаско предизвика бурни реакции на сцената, како кај експертите, така и во известувањата во медиумите. Сепак станува збор за еден од најпрестижните настани на автомобилската сцена.
Phenomenal cock up last night as the screens read out $70m instead of $17m. Way to botch an auction #RMSothebys #MontereyCarWeek pic.twitter.com/4p43Jlblhf
— Maurice Morris (@Maurice17918209) August 18, 2019
We were there! He definitely said “$30 Million”! https://t.co/aMjkBx0ifJ#RMSothebys #RMAuction #Porsche pic.twitter.com/ULzwhNjgqi
— Cup of Robots (@CupOfRobots) August 18, 2019