161
21 shares, 161 points

Porsche Cayenne Turbo S E-Hybrid, како најсилна изведба во моделската серија на големиот СУВ, очигледно му приреди одлична возачка забава и на тимот сниматели на рекламното видео за моделот. Брзиот СУВ со своите системски 670 КС постави рекорд на еден недовршен пат во Шведска.

Нема простор за сомнеж околу способноста на Porsche Cayenne да извози брзо и по асфалт и надвор од асфалт. Најсилната моделска изведба на големиот СУВ, со хибриден погон и системски 670 КС, го извозе Готланд Ринг во Шведска за време од 3:51 минути. „Рингот“ уште е во фаза на изградба и Cayenne дел возеше по асфалт, а дел по земја. Рекордот, патем, никој нема да го собори, затоа што обиколницата наскоро ќе биде целосно под асфалт.

Целиот овој подвиг се случуваше за време на снимањето на рекламното видео за најсилната моделска изведба на Cayenne. Зад воланот се најде Тим Шрик, познат германски тркач и водител на неколку тв-емисии од подрачјето на автомобилизмот.

Хибридниот Cayenne возеше со стандардните гуми и без какви било промени во подвозјето. Во продолжение, видео од тркачката авантура на Turbo S E-Hybrid по обиколницата и по моментните 3,2 километри под асфалт и 4,2 километри што уште го чекаат завршниот слој.

Со Porsche до Галичник: Знаат ли овие автомобили за ограничувања?


Ти се допаѓа? Сподели со пријателите!

161
21 shares, 161 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *