Дарко Јаконов
Спортски автомобили од најфина сорта, под ист покрив со производи за купувачи кои негуваат посебен животен стил. Тоа е понудата во бутик-салонот на Porsche во Милано
Автомобилите на Porsche не можат да бидат сами во продажен салон во престолнината на италијанската и европската мода. Во Милано, комплетната колекција од производи за купувачи со посебен животен стил на Porsche Design е изложена заедно со спортските автомобили на германската марка. Тоа е прв и единствен случај, два тотално различни видови на производи да бидат изложени заедно во Porsche Studio.
Локацијата на уникатниот салон дополнително ја нагласува врската со модата. Миланското студио на Porsche се наоѓа во историскиот центар на Милано, на „Via della Spiga“, среде прочуениот „кварт на модата“.
Салонот покрива површина од вкупно 400 метри квадратни. Покрај единственото возило што се изложува се наоѓа „Ѕидот на наследството“, на когошто се прикажуваат највпечатливите моменти од 70-годишната историја на Porsche. Купувачите доаѓаат да ја направат завршната конфигурација на возилото, да договорат тест возење, да склучат договор.
Посебно место во понудата од стилизирани производи на Porsche Design моментно има часовникот 1919 Datetimer 70Y Porsche Sports Car Limited Edition. Како што укажува и ознаката, часовникот е изработен во чест на 70-годишнината на Porsche. Цената на часовникот, исто така е Porsche.
[FAG id=33463]
