164
37 shares, 164 points

Спортски автомобил со месечна претплата како за мобилен телефон. Porsche и германската компанија за мобилност Cluno излегоа со понуда за ексклузивно и флексибилно користење на возило по месечна пакет-цена. Понудата засега важи само во Германија.

Услугата „Porsche inFlow“ нуди можност да се вози Porsche по месечна пакет-цена, без скриени трошоци и ситно испишани текстови. Корисниците треба да плаќаат единствено за гориво. Сите останати трошоци, од редовно одржување и сервисен преглед, амортизација, замена на гумите, гаранција, регистрација, технички преглед, каско-осигурување, вклучени се во месечната рата.

Возилото не се купува, само се плаќа за негово користење

Најкусиот период на користење е шест месеци. Корисникот може да направи пауза, со најава три месеци претходно, а може и да го замени автомобилот со друг. Целата постапка, од резервацијата на возилото, до потпишувањето на договорот и менаџирањето со возилото, се одвива по дигитален пат, преку апликацијата Cluno.

Разликата со класичниот лизинг и сличните начини на финансирање е во тоа што корисникот не потпишува обврзувачки договор и има поголема слобода при изборот на периодот за користење на возилото.

New photo by Automedia MK / Google Photos

Возилата на Porsche се малку користени автомобили, обично демо-примероци. Достапни се сите моделски серии. Месечната пакет-цена стартува од 1.299 евра. Цената натаму се одредува зависно од конкретниот модел на Porsche. При првата резервација треба да се плати стартна такса од 299 евра. За потврда на резервацијата преку мобилната апликација се потребни само неколку минути. Потоа, нарачаното возило добива гориво до врв и се испорачува до саканото место.

Porsche пред 70 години првпат изложуваше во Женева

Porsche обезбеди 49.000 полначи за своите електрични модели

Porsche 911 Cabriolet со пропорции на Ким Кардашијан

Alpine добар колку Porsche: Споредбен тест на Ауто Билд


Ти се допаѓа? Сподели со пријателите!

164
37 shares, 164 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *