150
37 shares, 150 points

Porsche буквално го приклучи електричниот камион на MAN во логистиката на фабриката во Цуфенхаузен.

Електричен камион MAN eTGM отсега доставува делови и материјали за фабриката на Porsche во Цуфенхаузен. Оваа фабрика во предградието на Штутгарт моментно се подготвува за стартот на сериското производство на првиот електричен автомобил на Porsche.

Цел на производителот на спортски автомобили е фабриката да не ја оптоварува животната средина со дополнителна емисија на СО2. Во производството во Porsche веќе две години се користи исклучиво електрична енергија од обновливи извори. Железничкиот транспорт од фабриката исто така се одвива исклучиво со „природна струја“. Електричниот погон се воведува масовно и во возилата во логистичкиот синџир, односно во камионите, вилушкарите и останатите возила.

Камионот што се движи на струја е MAN eTGM 18.360 4×2 LL. Од ознаката произлегува дека тој спаѓа во категоријата на влекачи со тежина до 18 тони, кој заедно со полуприколката смее да тежи до 32 тони. Бројката 360 е за коњските сили. Енергијата се испорачува од литиум-јон батерија со капацитет од 149 киловатчасови. Тоа е доволно за досег до 130 километри со едно полнење.

Примената на електричниот камион во логистиката на Porsche ќе му обезбеди вредни искуства на MAN, кој планира малосериско прозиводство на eTGM веќе в година. Предности од електричниот погон во тешкиот транспорт, покрај неутралноста во поглед на билансот на СО2 и речиси безшумната работа, се драстично намаленото амортизирање и потребата од сервисирање на возилото. Тоа се подрачја кои се решавачки во патниот превоз на стока.

Тоа што кај обичните сопирачки се претвора во топлина и се губи бескорисно, кај елекричниот камион на MAN се претвора во електрична енергија

Уште една предност е масивниот ефект од рекуперацијата, односно повратокот на енергијата што се ослободува при сопирање и запирање на тешките возила. Како груба илустрација, тоа што кај обичните сопирачки се претвора во екстремна топлина и се ослободува бескорисно, кај електричните камиони се користи за полнење на батериите.

MAN eTGM ќе сообраќа на растојание од 19 километри, меѓу магацините на партнерот LGI во Фрајберг на Некар и фабриката на Porsche во Цуфенхаузен. Примената на електричен камион ќе ја растоварува животната средина од 30.000 килограми СО2 на годишно ниво.

Во Фрајберг се наоѓа полнач од новата мрежа за супербрзо полнење, којс што Porsche јс развива како дел од конзорциумот Ionity. Со моќност на полнење до 150 киловатчасови, енергија за 100 километри пат се полни во батеријата за околу 45 минути.


Ти се допаѓа? Сподели со пријателите!

150
37 shares, 150 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3813