136
18 shares, 136 points

Како звучи понудата, на задната клупа на Porsche да се доживее лет во вселената? Германската спортска марка, во соработка со стартапот holoride, покажува како во иднина ќе изгледа забавата при патување на задната клупа во Porsche.

Во заедничкиот проект на Porsche и holoride се користат очила за виртуелна реалност, кои се поврзани со сензорите во возилото, за содржината што се прикажува во очилата да се приспособи реално и во вистинско време со движењата во возилото.

Кога Porsche влегува во свијок, на пример, соодветно се менува и правецот на летање на вселенскиот брод во којшто се седи виртуелно. На тој начин се постигнува мошне веродостојно доживување. Добрата вест е што со пристигањето на оваа технологија, класичната мачнина при патување заминува во историјата.

New photo by Automedia MK / Google Photos

Соработката се одвива во рамките на таканаречениот Стартап-Аутобан. Прототипот за тестирање на технологијата беше развиен за само 100 денови. Планот е holoride во следните три години да го развие софтверот за вградување во возилата од сериско производство.

Porsche ќе им овозможи на посетителите на салонот во Франкфурт, со почеток на 20-ти септември, да ја доживеат новата технологија.

Покрај Porsche, во Стартап-Аутобан учествуваат уште Daimler, Универзитетот Штутгарт, Арена 2036, Hewlett Packard Enterprise, DXC Technology, ZF Friedrichshafen и BASF. Во последните две и пол години, Porsche реализираше повеќе од 60 проекти во рамките на Старап-Аутобан. Една третина од проектите влегува во сериско производство.


Ти се допаѓа? Сподели со пријателите!

136
18 shares, 136 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *