139
25 shares, 139 points

Откако лансирањето на сопствената подмарка за електрични возила го привлече вниманието на светската сцена, Volvo ги избра пазарите што први ќе го добијат елегантното и моќно купе Polestar 1.

На купувачите низ светот им се допадна новата шема за продажба што Volvo ја лансираше за својата електрична марка Polestar. Возилата нема да се продаваат, туку ќе се отстапуваат на користење, по одредена месечна рата. Слично на мобилен припејд. Откако Швеѓаните во октомври го претставија и првиот модел, означен симболично како Polestar 1, почнаа да пристигаат голем број нарачки, така што првично планираната серија веќе се распродаде.

Volvo, Polestar 1

Според бројот на пристигнати нарачки за Polestar 1, одбрани се и шесте пазари што први ќе ги добијат примероците од престижното купе со електричен, или поточно, плаг-ин хибриден погон. Тоа се САД, Кина, Германија, Шведска, Норвешка и Холандија. Прво во овие земји ќе се отворат таканаречените Polestar Space, односно еден вид бутик-салони, малечки и на прометно место. Во нив нема да бидат наредени десетици возила, регали со прибор и останати салонски „аксесоари“, туку тие ќе служат првенствено за контакт со персоналот и комплетирање на нарачката. Отворањето е планирано за средината на 2019 година. Понатаму ќе има и нови земји во коишто ќе биде достапна електричната марка на Volvo.

Сопственик на возилото е Polestar, односно Volvo, возачот само ја плаќа месечната рата – со вклучен сервис и осигурување

На денот на презентацијата на Polestar 1, Швеѓаните добивале просечно по една нарачка во минута. „Електричните“ возачи очигледно се подготвени и за начин на продажба што се разликува од досегашниот. Возилата на Polestar се нудат со претплата. Нема учество, во месечната рата е вклучено осигурувањето, амортизазијата, сервисирањето, заедно со преземање и достава на возилото до сопственикот. Секоја дополителна желба на клиентот влегува во ратата, Polestar практично нуди автомобил по припејд-тарифа. Наједноставно е системот да се разбере како лизинг, во когошто корисникот профитира барем исто колку банкарот.

Производството на престижното купе со 600 КС, три електромотори и бензинец, батерија за 150 километри и карбонска каросерија ќе стартува во средината на 2019 година. Специјално за Polestar се гради фабрика во Ченгду, Кина.


Ти се допаѓа? Сподели со пријателите!

139
25 shares, 139 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3730