146
19 shares, 146 points

Pirelli е прв производител чијшто интелигентни гуми ги пренесуваат информациите за подлогата преку мрежата 5G. Со новата технологија во иднина ќе има уште побројни и уште поспособни системи за асистенција.

Италијанскиот производител на автомобилски гуми Pirelli ги претстави новите интелигентни гуми на покривот на фабриката на Fiat во Торино, којашто долги децении служеше како официјална тест-патека. Настанот беше организиран во соработка со Ericsson, Audi, Tim, Italdesign и KTH. Цел на презентацијата беше возилото опремено со гуми Pirelli Cyber и поврзано на мрежата 5G.

На покривот на старата фабрика се демонстрираше како гумите на возилото ги испраќаат информациите за опасноста од аквапланинг до возилото назад. Овој пренос на податоци се овозможува преку стандардот 5G, чијшто одлики се брз пренос и ултрависока фреквенција.

Гумите се единствената допирна површина меѓу возилото и патот. Благодарение на технологијата што ја усовршува Pirelli, гумите во иднина ќе комуницираат со возилото, со возачот, а преку 5G и со целата патна инфраструктура. Гумите Pirelli Cyber, кои поседуваат посебен сензор, до возилото ќе испраќаат податоци за моделот на гумата, за извозените километри, за динамичното оптоварување, а за првпат и за опасноста на патот, како на пример за опасност од појава на аквапланинг.

New photo by Automedia MK / Google Photos

Овие информации ќе овозможат автомобилот да ги приспособи своите системи за асистенција, со што се постигнува натамошно подобрување на безбедноста, но и на комфорот и перформансите. Во исто време, информациите ќе се пренесуваат и до останатите возила и до патната инфраструктура.


Ти се допаѓа? Сподели со пријателите!

146
19 shares, 146 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *