158
68 shares, 158 points

PSA основа заедничка компанија со Nidec, којашто ќе ги произведува електромоторите за идните модели со електрифицирана погонска спрега од Peugeot и од останатите марки во групацијата. Седиштето на Nidec-PSA emotors се наоѓа во Поаси, во близина на Париз. Тука ќе се конструираат и развиваат погонски електромотори. Заедничката компанија во којашто партнерите вложуваат вкупно 220 милиони евра ќе фигурира и како добавувач, односно ќе ги нуди своите електромотори за останатите производители на возила.

Четириесет инженери веќе работат во седиштето на компанијата во Поаси, на коишто до крајот на летото ќе им се придружат уште триесетина инженери. Електромоторите што ќе се конструираат во овој центар за истражување и развој ќе се произведуваат во фабриката на Peugeot во Тремери, во регионот на Мозел.

Групацијата околу марката Peugeot веќе неколку пати најави дека понудата од модели ќе вклучува варијанти со благ хибриден погон (MHEV), со електричен погон (EV) и со плагин хибриден погон (PHEV). До 2025 година, сите модели од сите марки во рамките на групацијата PSA ќе бидат достапни во една од трите верзии со електрифицирана погонска спрега.


Ти се допаѓа? Сподели со пријателите!

158
68 shares, 158 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *