155
20 shares, 155 points

Новиот кросовер на Французите не го носи беџот GT напразно, туку го почитува во најдобрата традиција на „Gran Turismo“, со моќ и со стил. Заедно со топ моделот 3008 GT пристига и нивото на опрема GT Line.

По само неколку недели од официјалната премиера на 3008, Французите ја претставуваат спортската верзија GT. Ексклузивно за неа е наменет дволитарскиот BlueHDI со 180 КС, во комбинација со шестстепен автоматски менувач. Посебност на GT е можноста за нарачка на двобојна каросерија „coupe franche“. Заедно со спортската верзија GT, Peugeot го воведува и нивото на опрема GT Line во комбинација со останатите мотори. Пазарниот старт се очекува кон крајот на октомври.

Peugeot 3008 GT и 3008 GT LIne

За спортскиот изглед на 3008 GT се грижат проширени крила и двобојни бандажи Boston со гуми 235/50 R19. Диодни светла следуваат како стандард, исто како и трепкачи со динамичен режим на работа. Како опција за стандардниот црн покрив се достапни три бои на каросеријата (платинесто сива, амазонски сива и бакарно-портокалова металик), што следуваат со опаш во бисерно црна боја – тоа е впечатливиот „coupe franche“ во стилот на 308 GTi.

Peugeot покажува почит кон ознаката GT и малку потемелно од вообичаеното во браншата го облагородува кросоверот, во најдобрата традиција на Gran Turismo. Веќе е јасно дека секоја нова моделска генерација сé повеќе ќе го нагласува премиум карактерот на Peugeot во групацијата

Француските стилисти го облагородиле и целиот ентериер, почнувајќи од двојниот штеп во бакарна боја што почнува од стреата над инструментите и се протега по целата кабина, вклучувајќи ги и седиштата. Соодветно на спортскиот карактер на GT, седиштата се во комбинација од алкантара и вештачка кожа. Мини-воланот е веќе заштитен знак на i-Cockpit на Peugeot, тука со зарамнет долен дел и со натпис GT на хромирана основа. Самиот волан е обложен со мека напа кожа и има бакарен штеп.

Алкантара, буково дрво, бакарни штепови – стилот во 3008 GT има посебна нота

Во кокпитот на GT се поставени и украсни панели од вистинско буково дрво, во контраст со останатите материјали во кабината. На тоа следуваат и дополнителни детали во сатиниран хром, педали и плочки на праговите од благороден челик, таван во црна боја и патосници со бакарен штеп. Целата приказна околу бакарната боја кулминира во инструментите во истата боја.

Амбиентот во кабината може да се дотера по желба: Се избираат интензитетот на амбиенталното осветлување, анимациите на дисплејот, озвучувањето, парфимирањето на кабината, масажата во седиштата, тука буквално ништо не недостига.

Врвен момент е осветлувањето на подрачјето пред вратите преку диодните светилки во ретровизорите, при што врз подлогата се проектира и лавот, како заштитен знак на Peugeot.

Нивото на опрема GT Line го нагласува чувството на премиум во Peugeot

Со воведувањето на нивото на опрема GT Line од пред една и пол година, Peugeot започна да ја реализира стратегијата на повисоко позиционирање на марката. Откако нивото е воведено во моделите 108, 208, 2008 и 308, сега следува и 3008 GT Line, достапно за сите мотори во понудата, освен за дволитарскиот дизел со 180 КС, кој е резервиран за 3008 GT.

Голем дел од ставките од GT се преземени и во нивото GT Line, како преод меѓу стандардните нивоа на опрема и топ-нивото GT. Предниот браник и маската се разликуваат од стандардните изведби на 3008, диодните светла следуваат како стандард, исто како и црниот покрив, прозорците имаат рамка од благороден челик, постои и опција за двобојна „coupe franche“. Внатрешноста е блиска до GT, без неговите дрвени апликации и алкантарата на седиштата.

[FAG id=24836]


Ти се допаѓа? Сподели со пријателите!

155
20 shares, 155 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format