Peugeot е најпродавана автомобилска марка на францускиот пазар во септември. Приватните купувачи во земјата во минатиот месец најчесто се решавале за модел со знак на лав, што на Peugeot му обезбеди лидерство во овој дел од пазарот, којшто се води посебно од продажбата на службени возила. Најпродаваниот модел во приватниот сегмент повторно доаѓа од истата марка – Peugeot 208.
Во првите девет месеци од годинава, Peugeot има забележано најголем раст во продажбата од сите француски марки, вклучувајќи ги и продажбите на доставните возила. Растот изнесува близу 8%, односно во периодот од јануари до септември биле продадени околу 26.000 возила повеќе отколку во истиот период лани.
Peugeot 508 неодамна имаше премиера пред македонската публика, три месеци пред официјалниот старт на продажбата
Најголемиот поттик за продажбата доаѓа од СУВ-моделите, коишто постигнуваат удел од 8,9 проценти на целиот француски пазар. Само од моделите Peugeot 2008, 3008 и 5008 се продадени повеќе од 139.000 возила.
Peugeot 508 премиерно пред македонската публика