162
21 shares, 162 points

Американско истражување открива дека колку е поскап автомобилот, толку е помала веројатноста возачот да запре на пешачки премин.

Авторите на студијата го надбљудувале однесувањето на стотици возачи на автомобили на пешачките премини ширум Америка. Нивниот заклучок е дека веројатноста за возачите да запрат на пешачки премин е помала во случај кога автомобилот е од поскапите категории. Студијата има конкретни бројки. Во просек, вредноста на автомобилите што запирале изнесувала 5.900 долари (околу 5.400 евра), додека просечната вредност на автомобилите чијшто возач не запрел да пропушти пешаци, изнесува 8.000 долари или околу 7.350 евра.

Студијата според првичната замисла требало да го покаже влијанието на полот и расата во поглед на сообраќајните незгоди што се случуваат на пешачките премини. По оценувањето на податоците се покажало дека овие два критериуми имаат незначително влијание. Место тоа, се покажало дека вредноста на автомобилот влијае дали возачот ќе запре или ќе продолжи. Во натамошното оценување на добиените податоци, се покажало дека на секои 1.000 долари повисока вредност на автомобилот, веројатноста дека возачот ќе запре за пешаци се намалува за три проценти.

Возачите на подостапните автомобили повеќе сочувствуваат со пешаците

Психолозите имаат објаснување за оваа појава: „Намалената способност да се толкуваат мислите и чувствата на другите, проследено со чувство на возвишеност и нарцисоидност, може да доведат до отсуство на емпатија кон пешаците, меѓу возачите со повисок социо-економски статус.“

Од 500 случаи, само 129 возачи запреле да пропуштат пешак.


Ти се допаѓа? Сподели со пријателите!

162
21 shares, 162 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *