128
28 shares, 128 points

Opel скусува три модели од својата понуда, како дел од санацијата на марката под покривот на PSA. Заминува и Adam, во Тиринген ќе се произведува хибриден модел

Opel до крајот на 2020 година ќе претстави осум нови или освежени модели. Производителот од Риселсхајм официјално потврди дека в година пристигаат новата генерација на градската легенда Corsa и наследникот на Vivaro.

Opel Grandland X
Grandland X ќе добие плагин хибридна изведба по пример на Peugeot 3008
Малечкиот трендовски модел Adam, којшто се произведува во Ајзенах од 2013 година, останува во понудата до крајот на 2019 година. За него нема наследник, исто како и за малечкиот Karl и за кабриолетот Cascada. На местото на Adam, во фабриката во Ајзенах во иднина ќе е произведува верзија на СУВ-моделот Grandland X со плагин-хибриден погон.

Германскиот производител, кој припаѓа во францускиот концерн PSA од август минатата година, најавува дека секој свој модел до 2024 година ќе го нуди и во верзија со електрифицирана погонска спрега. Тоа е воедно и единствениот начин за производителите на автомобили да ги исполнат строгите ограничувања на емисијата на штетни материи.


Ти се допаѓа? Сподели со пријателите!

128
28 shares, 128 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *