114
16 shares, 114 points

Opel започна соработка со компанијата Lubinski, којашто веќе им ги нуди моделите од германската марка на возачите во Израел. Увозникот има долга и успешна традиција во Израел, како дилер на останатите марки од групацијата PSA, односно Peugeot, Citroen и DS.

Со новиот дилер, Opel очекува значително зајакнување на пазарното присуство на марката во земјата. Opel во минатата година продал околу 3.000 возила на израелскиот пазар. Меѓу најпродаваните модели се Crossland X и Grandland X.

Планот на Opel е продажбата на прекуокеанските пазари да се зголеми двојно до 2020 година. До средината на следната деценија, повеќе од 10 проценти од вкупната продажба на Opel треба да се постигнуваат надвор од европските пазари. За таа цел, до 2022 година ќе се стартува на нови 20 извозни пазари. Враќањето на Opel на големиот руски пазар се очекува веќе годинава.


Ти се допаѓа? Сподели со пријателите!

114
16 shares, 114 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *