139
19 shares, 139 points

Во матичната фабрика на Opel во Риселсхајм во иднина ќе се произведуваат три модели. Еден од нив ќе биде од француската марка DS, премиум-подмарката на Citroen.

Германската марка во францускиот концерн PSA во иднина ќе произведува три модели во фабриката во Риселсхајм. Од следното лето, во историското седиште на Opel ќе се произведува нов модел од марката DS, којашто е замислена како премиум-подмарка на Citroen. Во фабриката со 2.400 вработени моментно се произведува лимузинската изведба на Insignia. Кон крајот на следната година, таму ќе се произведува и новата генерација на Astra, со техника од Peugeot 308.

Како што соопштуваат од германската компанија, во фабриката во Риселсхајм од следната година повеќе нема да се произведуваат менувачи и ковани делови. Во тие одделенија моментно работат околу 200 лица.

Остри критики за затворањето на погонот за изработка на менувачи пристигнаа од IG Metall и од целиот работнички совет на Opel. „Ќе се бориме Риселсхајм да не се претвори во обичен погон за монтажа, туку и натаму да биде локација во којашто ќе се одвиваат целосно производство и развој на автомобили“, реагираат од синдикатот.

Новата Opel Astra ќе вози со техника од Peugeot


Ти се допаѓа? Сподели со пријателите!

139
19 shares, 139 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *