за

Кралски благослов за стартот на Opel Corsa во Сарагоса

Opel Corsa pocetok proizvodstvo saragosa
Opel Corsa pocetok proizvodstvo saragosa

Во присуство на Кралот Фелипе Шести на Шпанија, во фабриката на Opel во Сарагоса започна производството на шестата генерација на Corsa. Во почетокот на следната година се очекува да стартува и електричната Corsa-e.

Шестата генерација на Opel Corsa стартуваше со производство во фабриката на групацијата PSA во Сарагоса, Шпанија. Кралот Фелипе Шести на Шпанија даде посебен печат на свеченоста, на којашто присуствуваа уште шефот на француската групација, Карлос Таварес и првиот човек на Opel, Михаел Лошелер.

Својата шеста генерација на Corsa, Opel ја најавува како модерна, штедлива, динамична и попривлечна од претходничката. Аеродинамичноста е меѓу најдобрите во класата, тежината на возилото е смалена. Најлесната извеедба на Opel Corsa тежи под 1.000 килограми.

Corsa во своите 37 години има постигнато продукција од 14 милиони примероци и прва за германската марка влегува во ерата на електрификацијата

Во почетокот на 2020 година, во истата фабрика ќе стартува и производството на Corsa-e, со електромотор со 100 kW (136 КС) и досег до 330 километри според новата норма. Плагин-хибридната изведба на Grandland X со ознака Hybrid4 – и со погон на сите тркала, затоа што електромоторот дејствува на задната оска – ја следи Corsa-e на влезот на Opel во ерата на електрификацијата. До 2024 година, марката под знакот на молњата ќе нуди изведба со електромотор во погонската спрега во секоја своја моделска серија.

New photo by Automedia MK / Google Photos

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

elektro skuteri oktoberfest pijanstvo

Рекорден број пијани е-скутерџии на Октоберфест во Минхен

londo taxi tx elektricno septemvri

Електричното London Taxi надмина 3.000 продадени примероци