Бројни новитети за втората половина од животниот век на Opel Astra. Нови мотори и деветстепен автоматик, спортско подвозје, дигитални инструменти, нови комфорни функции. Техниката уште е германска, преоѓањето на платформа од концернот PSA ќе се случи во следната генерација на компактот.
Во Opel Astra отсега се вградуваат само мотори со три цилиндри. Европскиот автомобил на 2016 година, под хаубата доби комплетно нови мотори. Просечната емисија на СО2 е смалена за 19% во споредба со претходната моторна гама. Трицилиндарците имаат зафатнина од 1,2 до 1,5 литар и постигнуваат моќност во дијапазон од 105 до 145 КС.
Балансирачко вратило во блокот се грижи за поништување на вибрациите на моторот. Шестстепен менувач се вградува уште во основниот модел, а како опција се нуди деветстепен автоматски менувач.
Неколку суштински преправки доведоа до рекордни вредности за отпорот на воздух. Комбито Sports Tourer има вредност cw 0,25, додека истиот кај комбилимузината изнесува 0,26. Поставен е панел под кошот на моторот, а задните водилки имаат форма на дефлектор. Горниот и долниот дел од маската се отвораат и затвораат независно еден од друг, зависно од условите. На тој начин се подобрува спроведувањето на воздухот при повисоки брзини.
Амортизерите се променети и обезбедуваат повеќе комфор. Со доплата се испорачува спортско подвозје, со покрути амортизери, подиректно управување и соодветно сменето дотерување на задната оска со ватови лостови.
Моторите ја исполнуваат идната норма Euro 6d, со филтер за честички кај бензинците, односно OCR-катализатор и Адблу кај дизелите. Системот старт-стоп отсега е стандард.
Бензински мотори во новото моделско годиште на Opel Astra
1.2 |
1.2 |
1.2 |
1.4 |
|
Моќност КС при мин-1 |
110/4500 |
130/4500 |
145/5500 |
145/5500 [5000-6000] |
Вртежен момент [Nm] |
195/2000-3500 |
225/2000-3500 |
225/2000-3500 |
236/1500-3500 |
Менувач |
6 степени |
6 степени |
6 степени |
CVT |
Потрошувачка [L/100 km] |
4,6-4,4 |
4,8-4,7 |
5,5-5,2 |
5,9-5,7 |
Дизел мотори во новото моделско годиште на Opel Astra
1.5 |
1.5 |
1.5 |
|
Моќност КС при мин-1 |
105/3250 |
122/3500 |
122/3500 |
Вртежен момент [Nm] |
260/1500-2500 |
300/1750-2500 |
285/1500-2750 |
Менувач |
6 степени |
6 степени |
9 степени, автоматски |
Потрошувачка [L/100 km] |
3,6 |
4,3-4,2 |
5,3-4,9 |
Камери од нова генерација, дигитални инструменти
Во понудата од системи за асистенција, со кои Opel Astra се издвојуваше уште од стартот на моделот, додадени се нова предна камера, којашто е достапна со доплата, како и камера за рикверц. Со побрз процесор, новата камера сега распознава и пешак на пат, а се подобрува и читањето на знаците. Камерата за рикверц е достапна само ако се доплати и за инфо-забавен систем Multimedia Navi Pro со дисплеј од 8 инчи.
На списокот на дополнителна опрема се наоѓаат и безжично полнење телефон, озвучување Bose или загреван ветробран.
Нарачките стартуваат за неколку недели, вообичаено ќе бидат познати прво цените за германскиот пазар.