Стартап-компанијата Nuro доби дозвола во Силиконската Долина да тестира автоматски возила за достава без надзор од човек. Ова е втора компанија што добива ваков вид дозвола од сообраќајните власти во Калифорнија – прва е Waymo, посестринската фирма на Google. Во малите доставни возила на Nuro воопшто не е предвидено место за возач. Целиот простор е искористен за товарење и до него се пристапува преку капаците отстрана.
Пандемијата од корона доведе до зголемена побарувачка за служби за безконтактна достава. Испораката на нарачките во почетокот нема да се наплаќа, затоа што техниката уште се тестира. Но, првите достави во Маунтин Вју и во околината ќе следат дури по завршувањето на актуелните ограничувања на движењето во Калифорнија. Следен чекор ќе биде барање дозвола за тестирање на целата територија на сојузната држава.
Доставните возила на Nuro постигнуваат брзина до 40 километри на час и во просторот со зафатнина од 630 литри можат да превезуваат товар тежок до 190 килограми.