Дарко Јаконов
Светскиот шампион во електричниот погон Норвешка, во јуни постигнал удел на автомобилите на струја од 66% во вкупната продажба на возила. Тоа не е ново, уште лани уделот беше 62 проценти. Целиот пазар се скуси за 25,5% во споредба со лани, што е задоволителен тренд откако во мај имаше пад од близу 40 проценти.
Најпродаван модел во јуни е Volkswagen e-Golf со 724 примероци, пред Hyundai Kona со 539 и Tesla Model 3 со 527 примероци. Во вкупно продадените 7.600 електрични автомобили, „батериските“ учествуваат со две третини, додека една третина им припаѓа на плагин-хибридите.
Продажбата на Tesla Model 3 се нормализира, по првите месеци од стартот на испораката. Меѓу најпродаваните електромобили отсуствува MG ZS, кој постигна солиден успех, но моментно се забавени испораките во споредба со минатиот месец. Добро напредува и Mercedes EQC, а Hyundai Kona веќе е редовна појава во норвешкиот топ 10, откако започна неговото производство во фабриката во Ношовице, Чешка.
Класичните хибриди држат десетина од електро-ориентираниот пазар во Норвешка
Автомобилите со обичен бензински и дизел погон учествуваат заедно со помалку од 25 проценти. Најпродаван модел во тој сегмент е Skoda Octavia, којашто во континуитет се држи добро на скандинавскиот пазар. Наскоро Чесите ќе стартуваат и со плагин-хибридна верзија од обновената Octavia. Тоа ќе значи натамошно слабеење на пазарот на возила со погон со фосилни горива.
Норвешка веќе преоѓа на бродски мотори на струја
