146
51 shares, 146 points

Во фабриката во Санкт Петерсбург започна производството на освеженото моделско годиште на Nissan Qashqai. Локалната верзија на кросоверот има неколку преправки што им се важни на руските возачи

Nissan го прослави почетокот на производството на Nissan Qashqai во фабриката во Санкт Петерсбург. Тоа му отвора слободен пристап на најпродаваниот кросовер на Nissan на големиот руски пазар. Овој важен чин следи кусо по лансирањето на производството на новиот X-Trail, во октомври минатата година.

Освеженото моделско годиште на Nissan Qashqai доби неколку промени во надворешниот изглед и во кабината, но и нови системи за асистенција. Станува збор за самостојно запирање во случај на опасност од судир и предупредување кога при излегување наназад се приближува возило од попречниот правец.

Лани Nissan произведе повеќе од 55.000 возила во руската фабрика во Санкт Петерсбург

Примероците од фабриката во Санкт Петерсбург се наменети посебно за рускиот пазар, а тоа подразбира одредени преправки. Поради слабиот квалитет на патната мрежа во големата земја, и секако, поради екстремните зимски услови, кабината има дополнителна звучна изолација, а амортизацијата работи помеко.

New photo by Automedia MK / Google Photos

Руската фабрика на Nissan работи од 2009 година. Лани се произведоа рекордни 56.525 возила, за 23% повеќе отколку една година порано. Тоа е најмладата фабрика во производствениот синџир на јапонската марка.

Nissan Micra се осили со турбо-бензинец со 117 КС

Nissan го сели X-Trail од Англија во Јапонија

Најпродаваниот автомобил во Норвешка вози на струја: Nissan Leaf

Снегот е само зимски украс за оваа лимузина на Nissan


Ти се допаѓа? Сподели со пријателите!

146
51 shares, 146 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *