Автомобилските експерти од изданијата „Тајмс“, „Сандеј Тајмс“ и „Сан“ го прогласија Nissan Qashqai за најдобар автомобил од британска продукција
Nissan Qashqai, најпродаваниот кросовер во Велика Британија и автомобилот што создаде цел нов сегмент, прогласен е за најдобар автомобил од британска продукција во премиерното издание на „News UK Motor Awards 2018“. Тоа е заслужено признание за моделот што помогна во закрепнувањето на автомобилското производство во земјата, од неговото деби во 2007 година.
Nissan Qashqai е еден од моделите што го поттикнаa создавањето на денешниот сегмент на СУВ-модели за европскиот пазар
Qashqai е најпродаваниот модел на Nissan на европска почва во историјата. Алекс Смит, генерален директор на огранокот на јапонската марка во земјата: „Особено сме горди на фактот што Qashqai е дизајниран, конструиран и произведен во Велика Британија.“
Кросоверот имаше темелно освежување лани, а годинава пристигнаа и нови бензински мотори, исто како и нова генерација на инфо-забавниот систем NissanConnect. Од 2007 година, во Сандерленд се произведоа над три милиони примероци од моделот. Актуелната, втора генерација на Qashqai, по стартот во 2014 година стана најбрзо продавано возило од британска продукција, надминувајќи половина милион произведени примероци за само 21 месеци.
Како Qashqai го врати Nissan меѓу големите играчи на автомобилската сцена
Nissan Xmotion како стилска вежба за идниот Qashqai
Едномилионитиот Nissan Juke произведен во англиската фабрика