132
19 shares, 132 points

Nissan Leaf е најпродаван електричен автомобил во Европа во првата половина од годинава

Повеќе од 18.000 примероци од втората генерација на Nissan Leaf се регистрирани во Европа од почетокот на годинава до крајот на јуни. Откако продажбата на електричниот компакт стартуваше во ланскиот октомври, на европскиот пазар се испорачани над 37.000 примероци од Leaf.

Автомобилите на алијансата Renault-Nissan остануваат омилен избор на европските возачи, кога станува збор за погонот на струја. Nissan Leaf практично го замени местото со Renault Zoe. Со поголема батерија во споредба со претходникот, со капацитет од 40 kWh, соодветно се зголеми и досегот. Според новата и построга норма WLTP, реалниот досег изнесува 270 километри.

Со електричниот погон следуваат и неколку иновативни технологии, како полуавтономно возење Nissan ProPilot, автоматско паркирање ProPilot Park или e-Pedal, како можност за регулирање на брзината само со користење на една педала. Дури 72% од купувачите го избрале системот ProPilot, којшто се вградува како доплата.

Со европската шампионска титула се потврдува и титулата на Nissan Leaf како најпродаван електричен автомобил на планетава. Од стартот на продажбата на првата генерација во 2010 година, испорачани се над 340.000 возила. Речиси една третина од вкупната продукција вози по европските патишта. Неодамна беше регистриран стоилјадитиот примерок од Leaf во Европа.


Ти се допаѓа? Сподели со пријателите!

132
19 shares, 132 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *