Nissan лани продал над два милиони кросовери и СУВ модели. За порастот од 12% има заслуга и Kicks, мини-кросоверот кој останува недостапен на европскиот пазар. За неколку месеци тој ќе стартува и во САД и Канада, што ќе донесе уште поголем раст во продажбата.
Светската продажба на кросовери и СУВ модели на Nissan лани надминала два милиони примероци. Покрај Rogue, X-Trail и Qashqai, голема заслуга за растот од 12% има и новиот Kicks. Мини-кросоверот моментно е достапен во Мексико, Латинска Америка и Кина, а наскоро стартува и на пазарот во САД и Канада. На светскиот пазар лани се продадени околу 110.000 примероци од малечкиот кросовер со звучно име.
Триото модели на заедничка платформа – Rogue, X-Trail и Qashqai – сочинува најголем дел од продажбата, со 1,38 милион примероци или за 10% повеќе отколку преклани. Убедлив пораст има во продажбата на Armada во САД и на Nissan Patrol на Средниот Исток, со +79,0% односно близу 80.000 примероци.
Во март започнува продажбата на QX50 со мотор со променлива компресија
Кај престижната марка Infiniti има одлични бројки во продажбата на QX30, со речиси двојно зголемување и вкупно 32.000 продадени примероци. Компактниот кросовер ја користи платформата од Mercedes GLA. Грамадата под ознака QX80 исто така постигнала солидна продажба, со над 21.000 примероци.
Во март стартува продажбата на новиот QX50, во чијашто понуда од погонски единици влегува и VC-Turbo, првиот сериски мотор со променлива компресија. За само пет години, продажбата во сегментот на кросоверите од средната класа се зголемил четирикратно во Кина и двојно во САД.
Како работи моторот со променлива компресија на Nissan
Nissan Xmotion како стилска вежба за идниот Qashqai
Катастрофални резултати од краш-тестовите на автомобилите за Азија и Јужна Америка