185
25 shares, 185 points

За десетина денови почнува Автомобилската недела во Монтереј, Калифорнија, со богата програма од настани, вклучувајќи го и „Пебл“. Главното место на трките со историски автомобили ќе му припадне на Nissan. Првпат јапонска марка ја добива оваа чест.

Nissan е првата јапонска марка што ќе добие почесно место на трките со историски автомобили во Монтереј, Калифорнија. Настанот е дел од богатата програма во рамките на Автомобилската недела во Монтереј, заедно со прочуениот Конкурс д’Елеганс во Пебл Бич. За Американците, тоа е една од најважните трки со историски автомобили на континентот.

Мотоспортот има многу подлабоки корени во историјата на Nissan. Марката ја постигнува првата победа во 1936 година во Токио, со Datsun NL-75. Токму поради овие гени, јапонската марка за време на Автомобилската недела во Монтереј не избра да се разладува на крајбрежјето на Пебл Бич, туку реши да ги впрегне коњските сили и да постигне уште една победа, на патеката Лагуна Сека.

Во изминативе 50 години, Nissan (и Datsun) победија во преку 100 национални шампионати и на повеќе од 200 трки во меѓународна конкуренција на тркачките патеки во САД.

Годинава на трката со историски автомобили во Монтереј ќе учествуваат над 50 тркачки автомобили на Nissan и Datsun. Стив Милен ќе пристигне со 300ZX Turbo, победник на Леман и Дајтона, додека Џон Мортон ќе вози BRE Datsun 240Z. Комичарот и колекционер Адам Карола е пријавен со 300ZX Turbo од класата GT-1, со когошто порано се натпреваруваше Пол Њумен.

Неколку од 14-те автомобили на Nissan што ќе бидат изложени во боксовите

Nissan R390_GT1
Nissan R390 GT1

Nissan_R382
Nissan R382

Nissan_GT_R50_by_Italdesign
Nissan GT-R50 by Italdesign

Nissan Formula E race car
Nissan Formula E race car


Ти се допаѓа? Сподели со пријателите!

185
25 shares, 185 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *