за

Nissan е најпродаваната јапонска марка во Европа

Ниту од Кореја, ниту Кина, туку од добрата стара Јапонија. Оттаму и натаму ни пристига најпродаваната азиска марка. Во првото полугодие од 2015, Nissan продаде близу 400.000 возила во Европа.

Според продажните резултати за првите шест месеци од годинава, Nissan е најпродавана азиска марка автомобили – а со тоа секако и јапонска – на европскиот пазар. Продадени се вкупно 384.726 возила или за 4,3 проценти повеќе од лани. Најголем пораст забележаа водечките пазари, а меѓу нив најмногу Велика Британија (+34%), Шпанија (18%) и Германија (+11%). Благодарение на одличните продажби на Nissan Qashqai, како и на електричниот автомобил Nissan Leaf, јапонската марка во моментов држи 4,2 проценти од европскиот пазар.

[quote_box_right]Годинава Nissan ќе го прославува петтиот роденден на електричниот Leaf. Со 184.000 примероци продадени во светот од двете генерации, Leaf продолжува да ја зацврстува позицијата на најпродаван електричен автомобил.[/quote_box_right]

Успехот следи по рекордната ланска година во Европа, кога Nissan забележа највисока продажба и највисок пазарен удел во историјата. Продажбата расте непрекинато веќе пет години, а изгледите се добри дека таа ќе продолжи да расте и во 2015 година. Фабриката во рускиот Санкт Петерсбург неодамна го одбележа двесеилјадитиот примерок од новиот X-Trail, со што таа е фабрика со најголем растеж во Русија. Импресивни бројки доаѓаат и од Италија, кадешто Nissan ја зголеми продажбата во првите шест месеци за 23 проценти, со вкупно 32.611 продадени возила.

Рекорди бележи и кросоверот Nissan Qashqai со 2,5 милиони продадени примероци. На „домашниот“ пазар во Велика Британија, кадешто се произведува популарниот кросовер, продажбата во првото полугодие достигна 88.000 примероци и досега највисоко пазарно учество во историјата на марката. Слично е во Франција, каде што Nissan држи 3,7 проценти од пазарот во првите шест месеци од 2015 година.

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Porsche инвестира 1,1 милијарда евра во обнова на фабриките

Иднината на Mitsubishi е во „зелена“ боја