Викендов повторно паѓаа рекорди на брзинската патека на Opel во Дуденхофен. Ники Валде извозе подолго растојание со погон на мускули од која било дама досега
Поставен е нов рекорд за најдолго растојание поминато со возило со погон на мускули во едно деноноќие. Германската натпреварувачка во екстремни спортови Никола „Ники“ Валде совлада 1.088 километри за 24 часа со таканаречен веломобил, односно со лежечки трицикл со аеродинамичен оклоп.
Opel му даде дополнителен публицититет на настанот, како марка којашто има длабоки корени и во велосипедизмот. Покрај тоа, рекордерското возење се одвиваше на тест-патеката на Opel во Дуденхофен. Ники Валде извозе подолго растојание за едно деноноќие отколку што успеала било која дама пред неа, со возило со погон на мускули.
Потфатот на Ники Валде потсеќа на корените на Opel, на времето пред сто години кога компанијата била најголем производител на велосипеди во светот
Досегашиот рекорд од 1.012 километри, 44-годишната Германка го собори уште во 22-от час од потфатот. Дополнително отежнување за Ники во нејзиното необично возило долго 2,57 метри, широко 64 сантиметри и високо 88 сантиметри беа неповолните временски услови. Таа на моменти возеше и на температури од преку 30 степени Целсиузови, но и по вистински порој.
Веломобилот тежок само 14 килограми е сопствена изработка на Даниел Фен, сопругот на Ники Валде. Познатата натпреварувачка во екстремни спортови совлада 227 кругови на високобризнскиот курс во Дуденхофен, повремено постигнувајќи брзини од близу 60 километри на час. Валде има поставено рекорд и на дванаесет часови.