186
23 shares, 186 points

Уште од прв ден, авто-салонот во Франкфурт минува во знакот на протестите за почиста животна средина. Денес повторно е блокиран пристапот до саемските хали, по социјалните мрежи масовно се споделуваат сцени од протестите.

Заедно со големиот салон на автомобили во Франкфурт започнаа и протестите на активистите што бараат почиста животна средина. Пред влезот на салонот вчера протестираа 15.000 лица според процените на полицијата, односно 25.000 лица според наводите на организаторите.

Масовното искажување незадоволство продолжува и денес. Останува блокадата на пристапот до саемскиот простор. Протестите минуваат без насилство против лица и без оштетување материјални добра.

Германските активисти се здружени во акцијата „Песок во менувачот“. Под обележувачот #sandimgetriebe се споделуваат сцени и пораки по социјалните мрежи. Посетителите можат и натаму да пристапуваат до салонот, но мора да одат по обиколен пат. Во принцип, протестантите го блокираат пристапот за возилата до саемот. Голем број велосипедисти кружат околу халите и ја пренесуваат пораката за заштита на животната средина. Протестот досега минува мирно.

Протестантите најмногу забележуваат за тоа што индустријата продолжува со големите СУВ возила – нивното префрлување на електричен погон не е вистинското решение за заштита на климата

Од сојузот порачуваат дека целта им е да го попречат одржувањето на салонот во Франкфурт со мирни блокади. Тоа треба да биде знак против уништувачкиот сообраќаен систем, за когошто и натаму се залага најголемиот салон на автомобили во светот. Најголемото незадоволство се искажува кон СУВ возила што преовладуваат во уличната слика и со коишто индустријата постигнува големи профити. Вградувањето електричен погон во големите СУВ не е решение, производителите и политиката треба да се залагаат за помали возила, со коишто се задржува смислата на заштитата на животната средина.

 

 

 

 

 

 

 

 


Ти се допаѓа? Сподели со пријателите!

186
23 shares, 186 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *