177
22 shares, 177 points

Производителите на автомобили повторно ќе можат да тестираат екстремни брзини на кружната патека Нардо, во Италија. Porsche ја презеде концесијата врз целиот комплекс во 2012 година. Обновувањето на комплексот чинеше 35 милиони евра.

По седуммесечна работа и инвестирани 35 милиони евра, комплексот за тестирање во Нардо повторно е отворен. Кружната патека доби комплексен асфалтен спој и нова заштитна ограда што посебно е развиена од Porsche Engineering за екстремните брзини што се постигнуваат тука. Комплетно е обновена и платформата за тестирање на возната динамика, со површина од 106.000 метри квадратни.

New photo by Automedia MK / Google Photos

На патеката што е под концесија на Porsche можат да тестираат сите производители на автомобили

Покрај тестови со екстремни брзини, на Нардо ќе се вршат и тестирања на техника за брзо полнење на батериите на електричните автомобили, како и на нови системи за асистенција, онлајн-услуги и автономно возење.

New photo by Automedia MK / Google Photos

Комплексот опфаќа повеќе од 20 посебни тест-патеки и постројки, на површина од преку 700 хектари. Досега во Нардо тестирале 90 автомобилски компании. Работниот персонал брои повеќе од 150 лица.

Porsche Engineering ја користи патеката и за сопствени потреби, како компанија што децении наназад нуди инженерски услуги за клиенти од целата автомобилска бранша

Нардо е изградена уште во 1975 година, како кружна патека за постигнување екстремни брзини, долга 12,6 километри. Многу рекорди се поставувани и повторно соборувани на овој легендарен курс во регионот на Апулија. Тестирањата обично се вршат во строга тајност и далеку од погледите на јавноста.

Врска до веб-страницата ⇒ http://www.porscheengineering.com/nardo/en/services/testing/testtracksandfacilities/


Ти се допаѓа? Сподели со пријателите!

177
22 shares, 177 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *