Пред финалето: Кои се најпродаваните марки во Европа годинава?

Денес се објавени официјалните статистики за продажбата на автомобили на европскиот пазар во ноември. Редоследот меѓу водечките 10 марки во основа е ист од почетокот на годинава, во последниот месец може да се решава единствено дали третото место ќе го освои Ford или Peugeot. Наспроти тоа, на завршетокот од табелата продолжува големиот пад во продажбата на Jaguar и Land Rover.

Секоја објава на продажните статистики за европскиот пазар веќе со децении почнува исто. Марката Volkswagen е на првото место, во меѓувреме со пазарен удел од преку 10 проценти. Втор е Renault, со солидна предност пред Peugeot, и сосем е извесно дека францускиот производител ќе го задржи местото до крајот на годината. Повеќе е неизвесно околу конечниот пласман на Peugeot и Ford за годинава. Германците се на четвртото место, со одвај 3.500 помалку возила, меѓугоа големиот скок на марката во ноември, со 3,4 проценти, наспроти падот од 1,2 процент на Французите, ветува жешка завршница и можност Ford да го преземе третото место.

Mercedes, кој е веднаш на петтото место, веќе подолго време не е изненадување. Дури, швабите имаат и најголем раст во продажбата во ноември, со 3,2 проценти. Поинаку е кај Opel, на следното место, со ноемвриски минус од 22,1% и шест проценти намалена продажба од почетокот на годинава. BMW не остава конкурентот од Штутгарт да се одвои премногу, па е на седмото место, со раст од 3,5 проценти во минатиот месец.

Осмото место на Skoda е сосем очекувано, но затоа е големо освежување Toyota на деветото место, со апсолутен раст според сите мерила: +2,8 проценти во периодот од јануари до ноември и +5,6% во ноември. Десетката ја заокружува Audi, со впечатлив раст од 39,4 проценти, меѓутоа оваа висока стапка се должи на драстично смалената продажба во ланскиот ноември, кога понудата од модели на марката беше десеткувана, поради воведувањето на новите норми за потрошувачка.

Toyota, Mercedes и Skoda напредуваат најмногу меѓу марките во Топ 10

Меѓу водечката десетка, најголем напредок годинава имаат постигнато Toyota, Mercedes и Skoda. Во ноември, најмногу пораснале продажбите на Renault (11,3%) и на VW. Наспроти тоа, во единаесетте месеци досега најмногу изгубиле Opel (–6,0%) и Renault (-5,7%), додека само во ноември, најмногу негатива имаат забележано Opel (-22,1%), Peugeot (-1,2%) и Skoda со 0,9 процент.

На останатите позиции, Dacia продолжува да напредува Dacia и го достигна 13-то место, со раст од 9,1% од почетокот на годинава, но пак има пад од 7,2% во ноември. Растат и Mitsubishi (+3,3%) и Lexus со +18,6 проценти. Најмногу пад годинава има во продажбата на Nissan, со -22,7 проценти, како и кај Jaguar (-6,9%), Alfa Romeo (-36,9%), а се намалува и продажбата на Land Rover (-1,4% од почетокот на годинава и -6,5% во ноември). Jaguar исто така стои слабо во ноември, со драстичен пад во продажбата од 30,5%, а не во завидна ситуација ниту Jeep со -15,8 проценти.

Вкупно во земјите од ЕУ и ЕФТА (Швајцарија, Норвешка, Исланд), од јануари до ноември се продадени 14.585.602 возила или за 0,3% помалку од истиот период лани, односно 1.158.554 возила во ноември, односно 4,5% повеќе од ланскиот ноември. Најголеми пазари се Германија, Велика Британија, Франција, Италија и Шпанија. Пазарите во Литванија (+44,0%) и Романија (+21,5%) пораснале најмногу во периодот до ноември.

Најпродавани марки на пазарите во ЕУ + ЕФТА во ноември 2019 година

Продажба на ниво на автомобилски концерни во ЕУ + ЕФТА во ноември 2019

Топ 10 најголеми автомобилски пазари во Европа