Музика од 1970-те за вистинско расположение во автомобилот

Возачите повеќе сакаат да ги слушаат хитовите од 1970-те години зад воланот, отколку модерните класици. Тоа го покажа истражување во Велика Британија. Ја имаме и плеј-листата

Класичните песни повеќе успеваат да го подобрат расположението на возачите отколку модерните хитови, покажа истражувањето спроведено во Велика Британија. Од десет песни што го подобруваат расположението при возење, дури осум се снимени во 1970-те и 1980-те години, со „Bohemian Rhapsody“ од Квин на првото место.

На британските возачи им годат и „Dancing Queen“ од Аба, „Livin’ on a Prayer“ од Бон Џови и „Eye of the Tiger“ од Сурвајвор. Единствени песни од новиот милениум кои се пласирале меѓу најдобрите 10 се „Happy“ од Фарел и „I Gotta Feeling“ од Блек Ајд Пис.

Во истражувањето учествувале повеќе од 2.000 британски возачи; Музичкиот свет честопати се раководи според британските топ-листи, така што на резултатите може да им се признае релевантноста

Речиси 85 проценти од испитаниците на возраст меѓу 18 и 65 години, изјавиле дека честопати или секогаш слушаат музика во автомобилот, преферирајќи постари музички хитови. Слушањето музика го ослободува хормонот допамин, а неговото лачење дополнително се зголемува за 9 проценти кога се слушаат омилените песни. Девет од десет возачи потврдиле дека музиката ги прави среќни.

Попот и рокот се покажуваат како најдобар музички жанр за слушање во автомобил. Три од четири возачи изјавиле дека слушањето различни видови музика при возењето влијае врз нивното расположение.

Топ 20 песни за добро расположение во автомобилот